Ísafjörður hefur lengi verið sannkallaður menningarbær. Tónlistarskóli Ísafjarðar var stofnaður árið 1948 og undir handleiðslu fyrsta skólastjórans, Ragnars H. Ragnar, óx hann og dafnaði og hefur síðan, í gegnum 75 ára sögu, getið af sér fjölmarga tónlistarmenn og -konur, sem auðgað hafa íslenskt tónlistarlíf. Skólastarfið er svo rótgróið að það er víst hending ef barn, sem elst upp á Ísafirði stundar ekki nám við skólann á einhverjum tímapunkti.

Aðstaðan er líka einstök og skólinn hefur verið einstaklega heppinn með að fá til liðs við sig marga frábæra kennara. Í skólanum er tónleikasalurinn Hamrar, sem skartar glæsilegum Steinway flygli í fullri stærð, sem telja má með eindæmum metnaðarfullt enda hefur sá flygill dregið til sín fjölda píanóleikara til tónleikahalds. Svo eru aðrir salir í bænum sem einnig hafa verið notaðir undir tónleikahald, m.a. nokkrir í hinu sögufræga Edinborgarhúsi, sem hýsir menningarmiðstöð bæjarins.

Rótgróin tónlistarhátíð enduvakin

Tónlistarhátíðin Við Djúpið var fyrst haldin …