„Mamma, get ég ekki orðið fótboltaleikmaður? Verð ég að vera strákur?”

Íslenskar konur hafa spilað fót­bolta í rúm 40 ár. Afrek þeirra yfir þann tíma eru ófá. Kvenna­lands­liðið hefur tekið þátt í fjórum Evr­ópu­meist­ara­keppnum, íslenskar atvinnu­konur berj­ast um stærstu titla Evrópu með sínum félags­liðum og í dag eru konur einn þriðji af öllum iðk­endum á Íslandi. Samt eru þær enn ekki metnar að sömu verð­leikum og karlar. 

Fót­bolta­konur Bestu deildar kvenna segj­ast enn finna fyrir ójafn­rétti í sam­tali við Heim­ild­ina. Þær segja úrelt mark­aðslög­mál notuð til að rétt­læta þann mis­mun sem er til staðar og þakka stofn­endum Heima­vall­ar­ins og Hags­muna­sam­tökum knatt­spyrnu­kvenna fyrir bar­áttu sína í jafn­rétt­is­málum. 

Auglýsing Bestu deildarinnar vonbrigði

Í lok mars birt­ist ný aug­lýs­ing Bestu deild­ar­innar. Til­gangur aug­lýs­ing­ar­innar er að skapa eft­ir­vænt­ingu meðal áhorf­enda fyrir kom­andi tíma­bili, bæði í Bestu deild kvenna og karla. Greini­legt er að mikið var lagt upp úr mynda­töku, hljóð­vinnslu, klipp­ingu, skemmti­legum brönd­urum og góðri stemn­ingu. Allt eins og það á …