Sókn­ar­nefnd Stykk­is­hólms­kirkju hefur höfðað mál gegn aðstand­endum Múla­virkj­unar á Snæ­fells­nesi til að fá úr því skorið hvort kirkjan sé lög­legur eig­andi að land­inu sem virkj­unin og miðl­un­ar­lón hennar eru á. Verði fall­ist á kröfur kirkj­unnar gæti það haft fjár­hags­legar afleið­ingar fyrir fyr­ir­tæki sem stefnir á bygg­ingu vatns- og vind­orku­virkj­ana víða um land.

Félagið Arctic Hydro á helm­ings­hlut í Múla­virkjun á móti Eggerti Kjart­ans­syni, bónda á Hofs­stöðum. Arctic Hydro er með fjölda virkj­ana um land allt í vinnslu sem flestar telj­ast til smá­virkj­ana og þurfa því öllu jöfnu ekki að fara í umhverf­is­mat. Félagið er í fjórð­ungseigu franska olíu­ris­ans Total, að því er virð­ist, en aðrir eig­endur eru Benedikt Ein­ars­son athafna­maður, sem er af Eng­eyj­a­rætt­inni svoköll­uðu, og margir þeirra aðila sem voru lyk­il­menn hjá fast­eigna­fé­lag­inu GAMMA. Stefnir félagið einnig að því að reisa vind­orku­garða á Íslandi.

Magndís Alex­and­ers­dóttir, gjald­keri sókn­ar­nefnd­ar­innar, …