Laun forstjóra Íslandspósts hækkað um rúm 40 prósent á fjórum árum

Laun for­stjóra Íslands­pósts hafa hækkað um tæp 43 pró­sent frá árinu 2014 til 2017. Auk þess hafa laun stjórnar hækkað um 65 pró­sent frá árinu 2014. Í upp­hafi árs 2018 sam­þykkti stjórn Íslands­pósts að leggja fyrir aðal­fund félags­ins að laun stjórn­ar­manna yrðu hækkuð um tutt­ugu pró­sent. Á svip­uðum tíma ákvað stjórnin að greiða starfs­mönnum fyr­ir­tæk­is­ins launa­upp­bót í ljósi góðrar afkomu fyr­ir­tæk­is­ins. Rúmu hálfu ári síðar, í sept­em­ber 2018, fékk fyr­ir­tækið 500 millj­óna króna lán frá rík­inu til að bregð­ast við lausa­fjár­skorti fyr­ir­tæks­ins. Frá þessu er greint í Frétta­blað­inu í dag. 

Hækkun launa í ljósi góðrar afkomu

Í febrúar í fyrra samþykkti stjórn Íslandspósts að leggja fyrir aðalfund félagsins að laun stjórnarmanna yrðu hækkuð. Laun almennra stjórnarmanna myndu hækka úr 140 þúsund krónum á mánuði í 165 þúsund krónur. Laun formanns stjórnar eru tvöföld laun stjórnarmanns og fór hann því úr 280 þúsund krónum á mánuði og upp í 330 þúsund krónur. Hækkunin nam því tæpum átján prósentum. Þetta sýna fundargerðir stjórnar sem Fréttablaðið fékk aðgang að í krafti upplýsingalaga. 

Þá var einnig samþykkt í upphafi síðasta árs að greiða starfsfólki launauppbót í ljósi góðrar afkomu fyrirtækisins árið á undan. En árið 2017 skilaði Íslandspóstur afgangi upp á rúmlega 216 milljónir króna. Var það annað árið í röð sem fyrirtækið hagnaðist eftir að hafa tapað samanlagt 280 milljónum árin þrjú á undan. Ársreikningur ársins 2018 liggur ekki fyrir.

Uppbótin hljóðaði upp á tuttugu þúsund krónur til starfsfólks í fullu starfi en greiðslur lækkuðu í samræmi við starfshlutfall til annarra. Lágmarksgreiðsla var þó ávallt tíu þúsund krónur. Kostnaður vegna launauppbótar til starfsmanna Íslandspósts nam 14,3 milljónum króna, samkvæmt umfjöllun Fréttablaðsins. 

Íslandspóstur fékk heimild fyrir 1500 milljóna láni frá ríkinu í fyrra

[links]Rúmu hálfu ári seinna, í sept­em­ber 2018, leit­aði Íslands­póstur á náðir rík­is­ins og fékk 500 millj­óna króna lán frá rík­inu til að bregð­ast við lausa­fjár­skorti eftir að við­skipta­banki þess, Lands­banki Íslands, hafði lokað á frek­ari lán­veit­ingar. Nokkrum mán­uðum síðar, í des­em­ber, sam­þykkti Alþingi að lána fyr­ir­tæk­inu allt að millj­arð til við­bótar.

Í umsögn rík­­is­end­­ur­­skoð­unar, um auka fjár­veit­ingu ríks­ins til Íslands­pósts, segir að ­­Rík­­­is­end­­­ur­­­skoðun telji að það sé óheppi­­­legt að ekki liggi nákvæm­­­lega fyrir hvernig fyr­ir­hugað sé að taka á rekstr­­­ar­­­vanda Íslands­­­­­pósts þannig að til­­­skil­inn árangur náist áður en tekin er ákvörðun um fram­lög úr rík­­­is­­­sjóði til félags­­­ins. Þá sé orsök fjár­hags­vand­ans alls ógreind, ekki liggi fyrir hvort hann stafi af sam­keppn­is­rekstri eða starf­semi innan einka­rétt­ar. Fjár­laga­nefnd Alþingis sam­þykkti því í jan­úar á þessu ári beiðni til rík­is­end­ur­skoð­anda um að unnin yrði stjórn­sýslu­út­tekt á starf­semi Íslands­pósts.

Laun stjórnarmanna, framkvæmdastjóra og forstjóra hafa hækkað talsvert á síðustu árum

Frá árinu 2014 hafa laun stjórnarmanna Íslandspósts hækkað á hverju ári. Samkvæmt umfjöllun Fréttablaðsins hefur hækkunin verið á bilinu ellefu til tólf prósent ár hvert. Hafi tillaga stjórnar um hækkun launa sinna verið samþykkt á aðalfundi Íslandspóst í fyrra þá hafa laun stjórnarmanna hækkað um 65 prósent frá árinu 2014. Formaður stjórnar er Bjarni Jónsson, varaþingmaður Vinstri grænna, og meðal stjórnarmanna er Svanhildur Hólm Valsdóttir, aðstoðar­maður Bjarna Benediktssonar, fjármálaráðherra.

Jafnframt má sjá af ársreikningum Íslandspósts frá árunum 2014 til 2017, en ársreikningur 2018 liggur ekki fyrir fyrr en eftir tæpar þrjár vikur, að laun forstjóra hafa hækkað um tæp 43 prósent á tímabilinu.

Mynd: Birgir Þór Harð­ar­son

Þá hafa laun framkvæmdastjóra Íslandspósts hækkað um rúm tólf prósent. Að auki nýtur framkvæmdastjórn bifreiðahlunninda frá fyrirtækinu en árið 2015 greidd­i Ís­lands­póstur 29,5 millj­ónir króna fyrir fimm jeppa og einn fólks­bíl sem for­stjóri og fram­kvæmda­stjórar fyr­ir­tæk­is­ins hafa til umráða sam­kvæmt ráðn­ing­ar­samn­ing­um.