Meirihluti fjárfesta segist fá ófullnægjandi upplýsingar um loftslagsáhættur

Stórir fjár­festar hyggj­ast setja meira af pen­ingum í tækni til þess að bregð­ast við lofslags­málum, ef marka má könnun sem gerð var meðal 497 fag­fjár­festa fyrir HSBC-bank­ann í Bret­landi.

[links]Meira en helm­ingur þeirra fjár­festa sem tóku þátt í könn­un­inni sögð­ust fá „mjög ófull­nægj­andi“ upp­lýs­ingar frá fyr­ir­tækjum um rekstr­ar­á­hættur vegna þess sem rekja má til lofts­lags­breyt­inga. Þá segj­ast fjár­fest­arnir vanta upp­lýs­ingar um hver hagn­að­ar­geta fyr­ir­tækja sé við umbreyt­ingu í umhverf­is­vænni tækni.

Meira en tveir þriðju hlutar þeirra fag­fjár­festa sem tóku þátt í könn­un­inni áætla að auka græna fjár­fest­ingu sína. Frá þessu er greint á vef við­skipta­dag­blaðs­ins Financial Times.

Nið­ur­stöður könn­un­ar­innar þykja renna stoðum undir það sem seðla­banka­stjóri Bret­lands, Mark Carney, hefur ítrekað bent á; Fyr­ir­tæki í hluta­fé­laga- og fjár­mála­rekstri þurfa að upp­lýsa um lofts­lags­á­hættu í mun meira mæli en nú er gert.

Carney hefur átt sæti í verk­efna­hóp um gagn­sæja lofts­lagstengda fjár­mála­starf­semi. Michael Bloomberg fór fyrir þessum verk­efna­hóp sem skil­aði loka­skýrslu sinni í sumar. Kjarninn fjall­aði um loka­skýrsl­una við það til­efni.

Mynd: EPA

Vantar betri skilning á loftslagstengdri áhættu

Í skýrslu verk­efna­hóps­ins er það útskýrt hvernig fyr­ir­tæki ættu að veita lofts­lagstengdar upp­lýs­ingar í fjár­hags­skýrsl­um, svo hægt sé að leggja mat á lofts­lagstengda áhættu í hag­kerfum heims­ins. Mælt er með að upp­lýs­ingar um beint og óbeint útstreymi gróð­ur­húsa­loft­teg­unda í rekstri fyr­ir­tæk­is­ins komi fram. Einnig ættu fyr­ir­tækin að lýsa áhættu og tæki­færum fyr­ir­tæk­is­ins sem verða til vegna lofts­lags­breyt­inga.

Carney seðla­banka­stjóri hefur varað fjár­festa við og sagt þá hætta á „mögu­lega risa­stórt“ tap vegna áhrifa lofts­lags­breyt­inga á fyr­ir­tæki í margs­konar iðn­aði. Sem dæmi má nefna að trygg­inga­fé­lög tapa nú meira en nokkru sinni vegna ofsa­veð­urs í heim­inum, og fram­leið­endur jarð­efna­elds­neytis eru sak­aðir um að bera ábyrgð á hlýnun jarðar.

[adspot]

Græn fjárfesting vinsælust í Evrópu

Í nið­ur­stöðum könn­un­ar­innar sem gerð var fyrir HSBC kemur fram að stjórn­endur eru nú upp­tekn­ari en áður af tæki­færum og ógn­unum sem tengj­ast við­bragði við lofts­lags­breyt­ingum.

Áhugi á grænni fjár­fest­ingu, eins og til dæmis end­ur­nýj­an­legri orku, var mestur í Evrópu. 97 pró­sent evr­ópskra þátt­tak­enda í könn­un­inni sögð­ust hafa í hyggju að auka fjár­fest­ingu sína í kolefn­issnauð­ari tækni eða tæki­færum tengdum slíkri tækni.

85 pró­sent fjár­festa í Norður- og Suður-Ameríku sem tóku þátt í könn­un­inni segja slíkt hið sama, eins og 68 pró­sent fjár­festa í Asíu. Í Mið-Aust­ur­löndum, þar sem mest magn olíu heims­ins verður til, sögð­ust aðeins 19 pró­sent þátt­tak­enda í könn­un­inni ætla að auka græna fjár­fest­ingu.

Daniel Klier, yfir­maður stefnu­mót­unar hjá HSBC, sagði í sam­tali við Financial Times að nið­ur­stöð­urnar gæfu til kinna að græn fjár­fest­ing væri ekki lengur aðeins af sið­ferði­legum toga heldur orðin hluti af dag­legri ákvörð­un­ar­töku fjár­festa.