Þorsteinn Már víkur tímabundið

Þor­steinn Már Bald­vins­son, for­stjóri Samherja, hefur vikið úr stóli for­stjóra fyr­ir­tæk­is­ins. Er það í til­kynn­ingu frá fyr­ir­tæk­inu sagt hafi orðið að sam­komu­lagi milli hans og stjórnar Samherja að Þor­steinn viki tíma­bundið þar til helstu nið­ur­stöður innri rann­sóknar fyr­ir­tæk­is­ins á „ætl­uðum brotum dótt­ur­fé­lags í Namibíu liggja fyrir.“

Í til­kynn­ing­unni segir enn­fremur að rann­sóknin, sem sé í höndum norsku lög­manns­stof­unnar Wikborg Rein, muni heyra beint undir stjórn félags­ins. Þá er til­tekið Samherji muni ekki tjá sig frekar um málið fyrr en „stað­reyndir úr ofan­greindri rann­sókn taka á sig skýr­ari mynd.“

Samherji hefur stundað stór­felldar mútu­greiðslur til stjórn­mála- og emb­ætt­is­manna í Afr­íku­rík­inu Namibíu til þess að ná undir sig fisk­veiði­kvóta. Samherji, sem er umsvifa­mesta útgerð­ar­fé­lag Íslands með um 111 millj­arða króna eigið fé, hefur greitt á annan millj­arð króna í mútur á síð­ustu árum, að því er lesa má í umfjöllun Stund­ar­innar sem unnin var í sam­starfi við Kveik, Wikileaks og Al Jazeera.

Jóhannes Stef­áns­son, fyrr­ver­andi fram­kvæmda­stjóri verk­efna Samherja í Namibíu, hefur lýst því að Þor­steinn Már hafi haft veg og vanda að því hvernig staðið var að mútu­greiðslum í Namibíu. „„Ég greiddi engar mútur án þess að fá grænt ljós frá Þor­steini. Ég bara fékk upp­lýs­ing­arnar og ég hafði sam­band við Þorstein og sagði: Þeir hafa óskað eftir að fá þetta til hliðar sem mútur og fæ ég grænt hjá þér? Og það var þá bara gefið grænt.“