„Þetta er engin framtíð“

„Þegar ég fékk þessar fréttir þá var mín fyrsta hugsun að þetta væri engin fram­tíð,“ segir Christina Atten­sperger, 54 ára gömul kona frá Þýska­landi, sem hefur búið á Íslandi meiri hluta ævinnar, frá því hún var 25 ára gömul.

Yfir 1.700 manns á Íslandi þurfa ekki ein­ungis að lifa af lágum bótum, heldur eru þessar lágu bætur skertar vegna þess að þeir hafa búið erlendis.

Christina er öryrki og við end­ur­mat í byrjun þessa árs var búsetu­hlut­fall hennar lækkað niður í 44 pró­sent, sem þýðir að hún á ein­ungis rétt á 44 pró­sent af fullum örorku­bótum, sem eru ekki háar til að byrja með. Hún seg­ist ekki vita hvernig hún muni ná endum saman eftir að skerð­ingin tekur gildi í sumar. 

Almanna­trygg­inga­kerfið á Íslandi virkar þannig að hafi ein­stak­lingur búið í öðru landi en á Íslandi frá 16 ára aldri, fram að þeim tíma sem örorku­mat fer …