Þessi grein birtist upphaflega í Stundinni fyrir meira en 9 árum.
Ferðir

Staðir sem þú verður að sjá áður en þú deyrð

Ís­land er land fjöl­breyti­leika og feg­urð­ar. Stund­in leit­aði til þekktra ferða­langa og nátt­úru­unn­enda sem nefna staði sem eru þess fylli­lega virði að sjá og upp­lifa.

Reynir Traustason
ritstjorn@heimildin.is

Lakagígar
Lakagígar „Lakagígar eru stórkostlegt náttúruundur. Sögusvið náttúruhamfara sem nærri þurrkuðu íslenska þjóð út og langvinn áhrif þeirra breyttu gangi sögunnar á heimsvísu. Holl áminning um kraft og eyðingarmátt náttúrunnar.“ - Páll Ásgeir Ásgeirsson
Mynd: Páll Ásgeir

Hesteyri
Hesteyri „Hornstrandir og Jökulfirðir eru staðir sem færa mann aftur í tímann. Sumarið kemur á spretthlaupi eftir að snjóa leysir og blómin og gróðurinn sprettur upp jafnharðan og snjóskaflarnir hverfa. Sumarið er stutt en algerlega einstakt. Það er erfitt að benda á einn stað, en Hesteyri hefur eitthvað sem erfitt er að lýsa. Þetta er dásamlegur staður og nauðsynlegt að lesa um fólkið sem bjó þar og hvernig lífið var allt þar til búsetu var hætt til að skynja allar hliðar á staðnum.“- Einar Skúlason
Mynd: Einar Skúlason

Hrolleifsborg
Hrolleifsborg „Hrolleifsborg í Drangajökli er eitt af tignarlegustu bæjarfjöllum landsins. Í baksýn er Reykjarfjörður, bestur áfangastaða á Hornströndum. Þegar maður morrar þar í sjóðheitri laug og horfir til Hrolleifsborgar eftir að hafa staðið á toppi hennar upplifir maður djúpa vellíðan sem erfitt er að kalla fram með öðrum hætti.“ - Páll Ásgeir Ásgeirsson
Mynd: Páll Ásgeir

Krossneslaugin
Krossneslaugin „Það er magnað að vera á Vestfjörðum og fara þar um og staðirnir eru í tugatali sem eru ógleymanlegir. Rauðisandur og Látrabjarg, Arnarfjörðurinn allur eða Ísafjarðardjúpið. Þetta er allt saman stórkostlegt. Svo má ekki gleyma Ströndunum og má til dæmis nefna tilfinninguna að liggja í Krossneslauginni í Árneshreppi á Ströndum og horfa út yfir hafflötinn. Það er eins og að maður renni saman við sjóinn og þetta verður hver maður að upplifa að minnsta kosti einu sinni.“ - Einar Skúlason
Mynd: Erik-Jan Vens/Flickr

Látrabjarg
Látrabjarg „Það ættu allir að fara að Látrabjargi í það minnsta einu sinni á ævinni. Þetta er stærsta sjávarbjarg Íslands og Evrópu og það er hrikalegt að ganga með því, horfa yfir hafið og sjá fuglana í björgunum. Algerlega ógleymanleg upplifun. Svo er líka auðvelt að komast þangað með alla fjölskylduna og nýta tækifærið í leiðinni til að koma við á Rauðasandi, Hænuvík og fleiri fallegum stöðum á sunnanverðum Vestfjörðum.“ - Lára Ómarsdóttir
Mynd: Shutterstock

Herðubreið
Herðubreið „Í þrígang hef ég reynt við drottninguna. Og þrisvar hefur hún hafnað mér. Hið fyrsta sinni huldi hún sig slæðum þoku og hríms og gaf þar með engin færi á sér. Annað sinnið gerði slíkar rigningar um hana alla að tæpt var uppgöngu sakir leysinga. Þriðja skiptið var langsamlega líklegast og hvorki veður né vindar virtust getað hindrað þá helgu för ... nema náttúrlega eldgos og aflokun svæðis af sjálfum Almannavörnum ríkisins sem hlýða ber hiklaust.“ - Sigmundur Ernir Rúnarsson
Mynd: Shutterstock

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Nýtt efni

Alls konar fólk sem þarf aðstoð: „Það getur eitthvað komið fyrir hjá öllum“
FréttirJólin

Alls kon­ar fólk sem þarf að­stoð: „Það get­ur eitt­hvað kom­ið fyr­ir hjá öll­um“

Fjöl­breytt­ur hóp­ur sæk­ir matarað­stoð fyr­ir jól­in en út­lit er fyr­ir að svip­að marg­ir þurfi á slíkri að­stoð að halda í ár og í fyrra, um 4.000 heim­ili ef lit­ið er til að­stoð­ar Hjálp­ar­starfs kirkj­unn­ar og Mæðra­styrksnefnd­ar. Há leiga eða há­ar af­borg­an­ir eru að sliga marga sem þurfa að sækja sér að­stoð.
Ísrael og Palestína: „Stjórnvöld sem líkja má við mafíur“
Viðtal

Ísra­el og Palestína: „Stjórn­völd sem líkja má við mafíur“

Dor­rit Moussai­eff er með mörg járn í eld­in­um. Hún ferð­ast víða um heim vegna starfs síns og eig­in­manns­ins, Ól­afs Ragn­ars Gríms­son­ar, þekk­ir fólk frá öll­um heims­horn­um og hef­ur ákveðna sýn á við­skipta­líf­inu og heims­mál­un­um. Hún er heims­kona sem hef­ur í ára­tugi ver­ið áber­andi í við­skipta­líf­inu í Englandi. Þessi heims­kona og fyrr­ver­andi for­setafrú Ís­lands er elsku­leg og elsk­ar klón­aða hund­inn sinn, Sam­son, af öllu hjarta.
Á ekki von á 50 milljónum eftir jólin
ÚttektJólin

Á ekki von á 50 millj­ón­um eft­ir jól­in

Nokk­ur af þekkt­ustu nöfn­un­um í ís­lensku tón­list­ar­sen­unni gefa nú út svo­köll­uð texta­verk, prent­uð mynd­verk með texta­brot­um úr lög­um sín­um. Helgi Björns­son seg­ir að marg­ir hafi kom­ið að máli við sig um að fram­leiða svona verk eft­ir að svip­uð verk frá Bubba Mort­hens fóru að selj­ast í bíl­förm­um. Rapp­ar­inn Emm­sjé Gauti seg­ir texta­verk­in þægi­legri sölu­vöru til að­dá­enda en ein­hverj­ar hettupeys­ur sem fylli hálfa íbúð­ina.

Mest lesið undanfarið ár