„Pólitísk svik eru gjarnan tengd loforðum sem reynist erfitt að uppfylla“

Óttarr Proppé, for­maður Bjartrar fram­tíðar, fór upp­haf­lega óvart út í stjórn­mál til að styðja við Jón Gnarr í Besta flokknum í borg­inni. „Ég hef haldið áfram í stjórn­málum af því að ég vil gera gagn og hef fundið að ég get haft jákvæð áhrif,“ segir hann. 

Björt fram­tíð var stofnuð árið 2012 og bauð í fyrsta skipti fram í alþing­is­kosn­ingum árið 2013. Flokk­ur­inn fékk 8,2 pró­senta fylgi og sex þing­menn. Björt fram­tíð er „frjáls­lynd og bjart­sýn miðju­hreyf­ing“ og hefur vakið athygli fyrir áherslu á ábyrg stjórn­mál, meiri sátt og jákvæð­ari umræðu á Alþingi. 

Óttarr tók við for­mennsku í flokknum á síð­asta ári eftir að Guð­mundur Stein­gríms­son hætti sem for­maður. Á sama tíma hætti Róbert Marshall sem þing­lokks­for­maður flokks­ins. 

Aðspurður hvernig standi á því að flokkur sem hafi „meiri sátt“ sem eina af fjórum meg­in­stefnum endi með upp­gjöri tveggja