Bryn­hildur S. Björns­dóttir, stjórn­ar­maður í Bjartri fram­tíð, stjórn­ar­for­maður flokks­ins á árunum 2015 og 2016 og fyrr­ver­andi vara­þing­kona, telur að umræðan um rangar upp­lýs­ingar sem Björt Ólafs­dóttir umhverf­is­ráð­herra gaf Alþingi þann 9. febr­úar sé stormur í vatns­glasi. 

„Þetta er mesta 'much ado about not­hing' sem ég hef séð lengi. Póteitó-pótató. Hver skilur eða pælir í þessum fárán­lega háfleygu orðum á þingi? And who really cares?“ skrifar Bryn­hildur á Facebook. Sjálf hefur hún haldið á fjórða tug ræðna á Alþingi sem vara­þing­kona.

Mynd: Pressphotos / Geiri

Eins og Stundin greindi frá í gær­morgun sagði Björt Ólafs­dóttir ósatt í óund­ir­búnum fyr­ir­spurn­ar­tíma á Alþingi þegar hún full­yrti að nefnd um veit­ingu íviln­ana hefði fengið til­mæli um að leggja aukna áherslu á til­tekin atriði sem kveðið er á um í lögum um íviln­anir til nýfjár­fest­inga. Lýsti hún sér­stak­lega þeim til­mælum sem nefndin átti að hafa fengið.

„Nefndin hefur ekki fengið slík til­mæli,“ segir í svari atvinnu­vega- og nýsköp­un­ar­ráðu­neyt­is­ins við fyr­ir­spurn Stund­ar­innar þar sem óskað var eftir upp­lýs­ingum um til­mælin. Björt hefur hæðst að og gagn­rýnt frétta­flutn­ing­inn um málið og ekki beðist afsök­unar á ósann­ind­unum en sagst þurfa að vanda sig betur og orða hlut­ina á „meira lög­fræði­máli“ í fram­tíð­inni.

Bryn­hildur, áhrifa­kona í Bjartri fram­tíð, tjáir sig um málið á Facebook-síðu Kolbeins Ótt­ars­sonar Proppé, þing­manns Vinstri grænna og vekur athygli á við­brögðum Bjartar við frétta­flutn­ingnum sem hún telur að skýri málið. Hún furðar sig á því að Kolbeini finn­ist ummæli Bjartar, sem ekki reynd­ust sönn, alvar­leg.

„Er merk­ingin og ásetn­ing­ur­inn ekki aðal­at­riðið? Faktið er þetta: Við erum loks­ins komin með umhverf­is­ráð­herra sem ætlar að lyfta grettistaki í umhverf­is­málum. Og því ættu menn að fagna eða ræða (eða finna að). Sér­stak­lega glæ­nýir þing­menn sem eru (von­andi) ekki mót­aðir af þeirri ömur­legu þing­hefð að finna sér allt til for­áttu sem aðrir þing­menn/ráð­herrar segja eða gera í öðrum flokkum. Og draga athygl­ina frá aðal­at­rið­unum. Please strákar,“ skrifar Bryn­hildur. 

Pawel Bartoszek, þing­maður Við­reisnar, gerir einnig lítið úr máli Bjartar í umræð­unum og segir það snú­ast um „núansa á orða­notkun í óund­ir­bú­inni fyr­ir­spurn“. Björt fram­tíð hefur deilt málsvörn Bjartar á Facebook. Oddný G. Harð­ar­dóttir, þing­kona Sam­fylk­ing­ar­innar sem var fyr­ir­spyrj­and­inn þegar Björt fór með rangt mál, hefur jafn­framt lagt orð í belg og sagst ekki vilja láta plata sig.

Sem kunn­ugt er hefur Björt fram­tíð lagt mikla áherslu á að bæta vinnu­brögð og verk­ferla, starfa af fag­mennsku, efla umræðu­hefð­ina, dýpka sam­talið í póli­tík­inni, auka traust til Alþingis og beita sér gegn fúski í stjórn­málum. „Hand­ar­baksvinnu­brögð og fúsk eiga ekki rétt á sér. Það þarf að vanda sig,“ sagði Óttarr Proppé, for­maður flokks­ins í eld­hús­dags­um­ræðum á Alþingi þann 26. sept­em­ber síð­ast­lið­inn.