Samfylkingin mælist með yfir 30 prósenta fylgi í nýjum Þjóðarpúlsi Gallup. Flokkur Kristrúnar Frostadóttur forsætisráðherra hefur 9 prósentustiga fylgisforskot á Sjálfstæðisflokkinn, sem er næst stærstur með 21,7 prósenta fylgi.
RÚV greindi frá niðurstöðunum síðdegis.
Samanlagt fylgi ríkisstjórnarflokkanna - Samfylkingar, Viðreisnar og Flokks fólksins - mælist 52,6 prósent í Þjóðarpúlsinum. Viðreisn með 14,4 prósent og Flokkur fólksins með 7,5 prósent.
Fylgi stjórnarandstöðuflokkanna á þingi - Sjálfstæðisflokks, Miðflokks og Framsóknarflokks - mælist 36,3 prósent. Miðflokkurinn með 9,1 prósent fylgi og Framsóknarflokkur með 5,5 prósent.
Vinstri græn og Píratar, sem féllu af þingi í síðustu kosningum, mælast með 3,6 og 3,3 prósenta fylgi. Sósíalistaflokkurinn, sem aldrei hefur náð á þing en yfir 2,5 prósenta þröskuldinn til að hljóta ríkisstyrk, mælist með 3,5 prósent.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir