Ásbjörg Helgadóttir er í uppnámi eftir að hafa fengið, að hennar mati, harðort innheimtubréf frá Bílastæðasjóði þar sem henni er gert að greiða tuttugu þúsund krónur í sekt fyrir að hafa lagt í bílastæði fyrir hreyfihamlað fólk. Ásbjörg er 82 ára gömul og er bæði öryrki og ellilífeyrisþegi. „Ég er búin að fá tvö bréf. Fyrst fékk ég bréf um að ég hefði verið sektuð um tíu þúsund krónur fyrir að leggja, að mér skildist, öfugt í stæði fatlaðra. Ég þóttist nú vera með fatlaðra merki, en á víst eftir að endurnýja það. Mér finnst ég nú tiltölulega nýbúin að endurnýja það,“ segir Ásbjörg. Þess má geta að stæðiskort fyrir hreyfihamlaða eru gefin út í tiltekinn tíma, að hámarki fimm ár en ekki skemur en tvö ár.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir