Fundum Alþingis var frestað 9. júní síðastliðinn og þingmenn héldu í sumarfrí sem standa á í 94 daga, 19 dögum lengur en sumarfrí grunnskólanema, til samanburðar. Flestum ber saman um að þingveturinn hafi verið tíðindasnauður, fá stór mál hafi náð fram að ganga. Átök hafi helst staðið um útlendingafrumvarpið og svo innan ríkisstjórnarinnar sjálfrar. Sem hafi meðal annars valdið því að fjöldi mála stjórnarflokkanna hafi ekki komið fram eða ekki náð fram að ganga.
82
Í haust sem leið lagði ríkisstjórnin fram þingmálaskrá sína, svo sem skylt er að gera við upphaf þings. Þingmálaskrá tók breytingum eftir því sem á veturinn leið og samkvæmt uppfærðri skrá í byrjun árs voru 169 lagafrumvörp á þingmálaskránni auk 34 þingsályktunartillagna. Að endingu urðu 82 frumvörp að lögum, öll úr ranni ríkisstjórnarinnar utan þingmannafrumvarps Hönnu Katrínar Friðriksson um bann við bælingarmeðferðum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir