Nú klukkan 19:30 hófst fundur forystumanna Vinstri grænna, Samfylkingarinnar, Bjartrar framtíðar, Viðreisnar og Pírata á Alþingi. Þegar fundi þeirra lýkur verða haldnir þingflokksfundir í öllum þessum flokkum þar sem farið verður yfir stöðu mála eftir óformlegar viðræður flokkanna fimm undanfarna daga.
Það skýrist væntanlega í kvöld eða fyrramálið hvort haldið verður áfram og farið í formlegar viðræður. Í dag hefur verið unnið að lausn í sjávarútvegs- og landbúnaðarmálum og er það meðal annars til umræðu á fundunum í kvöld.
Fulltrúar þessara flokka hafa verið misbjartsýnir á framhaldið um helgina. Þannig hafa Píratar verið mjög jákvæðir, og Birgitta Jónsdóttir þingflokksformaður sagði í Vikunni á föstudag að það væru 90% líkur á að stjórn þessara flokka yrði að veruleika. Fulltrúar VG hafa ekki verið eins bjartsýnir.
Birgitta segir við RÚV í dag að það muni liggja fyrir í kvöld eða í síðasta lagi á morgun hvort af formlegum viðræðum verður eða hvort hún skilar umboðinu til að mynda ríkisstjórn til forseta Íslands.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir