Framsókn mælist með undir tíu prósent fylgi í fyrsta sinn á kjörtímabilinu

Níu stjórn­mála­flokkar myndu ná inn á þing ef kosið yrði í dag. Sam­fylk­ingin mælist stærsti flokkur lands­ins þriðja mán­uð­inn í röð og stuðn­ingur við rík­is­stjórn­ina heldur áfram að dala. Sam­an­lagt fylgi stjórn­ar­flokk­anna mælist undir 40 pró­sent.

Hátt fall
Hátt fall Fram­sókn­ar­flokk­ur­inn vann mik­inn kosn­inga­sigur í síð­ustu kosn­ingum. Hann hefur tapað meira fylgi en nokkur annar það sem af er kjör­tíma­bili. Mynd: Bára Huld Beck

Þriðja mán­uð­inn í röð mælist Sam­fylk­ingin sem stærsti flokkur lands­ins í Þjóð­ar­púlsi Gallup. Nú mælist fylgi flokks­ins 25,1 pró­sent og eykst lít­il­lega milli mán­aða. Alls hefur Sam­fylk­ingin bætt við sig 15,2 pró­sentu­stigum frá síð­ustu kosn­ingum. Hún er ein af fimm flokkum sem hafa bætt við sig fylgi það sem af er kjör­tíma­bili. Sam­an­lagt hafa hinir fjórir: Píratar, Viðreisn, Mið­flokk­ur­inn og Sós­í­alista­flokkur Íslands bætt við sig 3,4 pró­sentu­stigum. Því er fylg­is­aukn­ing Sam­fylk­ing­ar­innar frá síð­ustu kosn­ingum, sem stökk­breytt­ist eftir að Kristrún Frosta­dóttir tók við flokknum í fyrra, sér á báti í íslenskum stjórn­málum.

Stjórn­ar­flokk­arnir þrír hafa allir tapað fylgi á kjör­tíma­bil­inu. Mestu hefur Fram­sókn­ar­flokk­ur­inn tapað, eða 7,4 pró­sentu­stigum, en fylgi hans, 9,9 pró­sent, mælist nú í fyrsta sinn undir tíu pró­sentum í könnun Gallup frá því að kosið var síð­ast. 

Vinstri græn höfðu mælst með 6,8 pró­sent fylgi í þremur könn­unum í röð, en það er lægsta fylgi sem flokk­ur­inn hefur nokkru sinni mælst með í könn­unum Gallup, sem ná aftur til árs­ins 2004. Flokkur for­sæt­is­ráð­herra bætir lít­il­lega við sig milli mán­aða og nú segj­ast 7,1 pró­sent styðja Vinstri græn. Sú breyt­ing er þó vel innan skekkju­marka. Alls hafa Vinstri græn tapað 5,5 pró­sentu­stigum frá síð­ustu kosn­ingum. 

Sjálf­stæð­is­flokk­ur­inn mælist nú með 22,3 pró­sent fylgi sem er 2,1 pró­sentu­stigi minna en hann fékk í kosn­ing­unum í sept­em­ber 2021. Hann er því áfram sem áður sá stjórn­ar­flokkur sem tapar minnstu á því rík­is­stjórn­ar­sam­starfi sem er við lýði. Ef mæl­ingin í könnun Gallup yrði nið­ur­staða kosn­inga væri það þó versta nið­ur­staða Sjálf­stæð­is­flokks­ins frá upp­hafi. 

Einn andstöðuflokkur hefur tapað fylgi

Fylgi Pírata dalar umtals­vert milli mán­aða og mælist nú 9,4 pró­sent sem er samt tæpu pró­sentu­stigi meira en flokk­ur­inn fékk í síð­ustu kosn­ingum. Viðreisn hress­ist vel milli mán­aða og mælist nú með 9,1 pró­sent fylgi, sem er líka tæpu pró­sentu­stigi meira en flokk­ur­inn fékk haustið 2021. Mið­flokk­ur­inn bætir við sig pró­sentu­stigi milli mán­aða og alls segj­ast nú 6,3 pró­sent aðspurðra styðja flokk­inn. Þetta er í fyrsta sinn á kjör­tíma­bil­inu sem fylgi Mið­flokks­ins mælist yfir sex pró­sent hjá Gallup. Áður hafði það mest farið 0,1 pró­sentu­stigi yfir kjör­fylgi, sem var 5,5 pró­sent. 

KönnunHér má sjá nið­ur­stöður úr nýjasta Þjóð­ar­púlsi Gallup.

Eini stjórn­ar­and­stöðu­flokk­ur­inn sem hefur tapað fylgi á kjör­tíma­bil­inu er Flokkur fólks­ins. Hann fékk 8,9 pró­sent atkvæða þegar síð­ast var kosið en nú segj­ast 5,6 pró­sent styðja hann. Sós­í­alista­flokk­ur­inn mælist svo með 5,1 pró­sent en hann náði ekki inn í síð­ustu kosn­ingum, þegar flokk­ur­inn fékk 4,1 pró­sent atkvæða. 

Allir stjórnarflokkarnir tapað fylgi

Stuðn­ingur við rík­is­stjórn­ina heldur líka áfram að dala og mælist nú um 41 pró­sent. Hann hefur aldrei mælst minni. Þegar rík­is­stjórnin tók við síðla árs 2017 mæld­ist stuðn­ingur við hana 74 pró­sent og eftir að hún end­ur­nýj­aði stjórn­ar­sam­starfið haustið 2021 mæld­ist hann 62,2 pró­sent. Síðan þá hefur hann hríð­fallið. 

Stuðn­ing­ur­inn mælist þó enn aðeins meiri en sam­an­lagt fylgi rík­is­stjórn­ar­flokk­anna, sem er nú komið í 39,3 pró­sent. Það er í fyrsta sinn sem sam­an­lagt fylgi flokk­anna þriggja fer undir 40 pró­sent könnun Gallup frá því að þeir tóku við völdum árið 2017. Sam­an­lagt hafa flokk­arnir þrír tapað 15 pró­sentu­stigum frá síð­ustu kosn­ingum, eða litlu minna en að sem Sam­fylk­ingin hefur ein bætt við sig á sama tíma­bili. 

Rík­is­stjórnin er því kol­fall­inn miðað við þessa stöðu. Hún fengi senni­lega ekki nema 25 þing­menn, og myndi þá tapa tólf. 

Níu flokkar mælast inni

Ástæða þess er meðal ann­ars sú að miðað við nýj­ustu könnun Gallup þá mæl­ast níu flokkar með yfir fimm pró­sent fylgi, sem þarf til að fá jöfn­un­ar­sæti á þingi. Fjórir minnstu flokk­arnir, Vinstri græn (4), Mið­flokkur (4), Flokkur fólks­ins (3) og Sós­í­alista­flokkur Íslands (3) myndu fá sam­an­lagt tíu þing­menn. Engin tveggja flokka rík­is­stjórn yrði mögu­leg eins og stendur. Jafnvel þótt Sam­fylk­ingin (16) og Sjálf­stæð­is­flokkur myndu vilja vinna saman þá myndu flokk­arnir tveir ein­ungis fá 31 þing­mann, einum færri en þarf til að vera með meiri­hluta á Alþingi. 

Hægt yrði að mynda miðju­stjórn Sam­fylk­ingar, Fram­sókn­ar­flokks, Pírata og Við­reisnar sem myndi vera með 34 þing­menn. Auk þess væri hægt að skipta Viðreisn út fyrir Vinstri græn og mynda þá stjórn með minnsta mögu­lega meiri­hluta sem liti út fyrir að vera meira til vinstri. Fáir raun­hæfir mögu­leikar eru á hægri stjórn eins og er. Ef Sjálf­stæð­is­flokkur, Viðreisn og Mið­flokkur myndu leggja sína þing­menn saman við þing­menn Fram­sókn­ar­flokks­ins þá myndu flokk­arnir senni­lega ekki ná nema 31 þing­manni.

Könnunin var gerð 1. mars til 2. apríl. Heild­ar­úr­tak var 11.228 manns og helm­ingur tók þátt. Af þeim sögð­ust tæp tíu pró­sent mundu skila auðu eða ekki kjósa ef gengið yrði til kosn­inga nú.

Kjósa
18
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár