Annar skipstjóri Samherja lánaði nafn sitt undir skrif í þágu fyrirtækisins

Skip­stjór­inn Guð­mundur Jónsson er ekki raun­veru­legur höf­undur greinar sem hann fékk birta undir sínu nafni í Kjarn­anum síð­asta haust. Páll Stein­gríms­son segir sig og Þorbjörn Þórð­ar­son hafa skrifað grein­ina í sam­ein­ingu.

Grein skipstjórans birtist í Kjarnanum snemma í september í fyrra, en þar voru skrif ritstjóra Kjarnans um Samherjamálið og myndbandaframleiðslu fyrirtækisins gagnrýnd.
Grein skip­stjór­ans birt­ist í Kjarn­anum snemma í sept­em­ber í fyrra, en þar voru skrif rit­stjóra Kjarnans um Sam­herj­a­málið og mynd­banda­fram­leiðslu fyr­ir­tæk­is­ins gagn­rýnd. Mynd: Arnar Þór Ingólfsson

Guð­mundur Jónsson, skip­stjóri hjá Samherja, sendi inn grein­ina „Hálf­kveðnar vísur Kjarnans“ til birt­ingar á síðum Kjarnans í byrjun sept­em­ber í fyrra. Sam­skipta­gögn innan úr Samherja sýna fram á að Guð­mundur, sem í dag er orð­inn skip­stjóri á nýjasta skip­inu í flota Samherja, Vilhelmi Þor­steins­syni, skrif­aði ekki umrædda grein.

Höfundar hennar, sam­kvæmt skip­stjór­anum Páli Stein­gríms­syni, eru hann sjálfur og lög­mað­ur­inn og almanna­tengsla­ráð­gjaf­inn Þorbjörn Þórð­ar­son. Þetta kemur fram í spjall­þræði á milli þeirra Páls og Örnu McClure, lög­manns Samherja.[links]

„...það var ég sem átti hug­mynd­ina að þeirri grein og skrif­aði hana með Þorbirni...“ sagði Páll við Örnu þegar þau ræddu um þátt­töku ann­arra skip­stjóra en Páls í að halda uppi vörnum fyrir fyr­ir­tækið á opin­berum vett­vangi. Arna minnt­ist þá á að Guð­mundur hefði skrifað eina grein og það væri „meira en margur“. Páll hélt því í kjöl­farið til haga að greinin væri í reynd hans smíð og Þor­björns í sam­ein­ingu.

Rit­stjórn Kjarnans hefur ákveðið að rétt við­brögð við þess­ari vit­neskju séu þau að leyfa grein­inni að standa, þrátt fyrir að í ljós hafi komið að höf­undur hennar séu aðrir en sá sem sendi hana inn og er skrif­aður er fyrir henni. Fyr­ir­vari hefur þó verið settur inn í grein­ina, sem hljóðar svo:

Komið hefur í ljós að þessi grein er ekki skrifuð af þeim höf­undi sem skrif­aður er fyrir henni. Það sést í gögnum sem Kjarninn hefur undir höndum og sýna að raun­veru­legir höf­undar grein­ar­innar eru Þorbjörn Þórð­ar­son, ráð­gjafi Samherja í upp­lýs­inga­málum, og Páll Stein­gríms­son, skip­stjóri hjá Samherja. Eftir yfir­legu hefur rit­stjórn Kjarnans ákveðið að greinin fái að hald­ast í birt­ingu þrátt fyrir að hafa verið send inn undir fölskum for­sendum en að gera þurfi les­endum grein fyrir því að hér sé annað á ferð­inni en áður var talið. Það er hér með gert með þess­ari athuga­semd.

Greinar Páls munu standa á Vísi sem minnisvarði um „sögulega framvindu Samherjamálsins“

Eins og Kjarninn og Stundin opin­ber­uðu síð­asta föstu­dag hefur komið í ljós að æði margar greinar sem birst hafa í nafni Páls Stein­gríms­sonar á mest lesna vef­miðli lands­ins, Vísi, hafa hreint ekki verið skrif­aðar af Páli heldur öðrum, oft Þorbirni Þórð­ar­syni fyrr­ver­andi frétta­manni og núver­andi almanna­tengsla­ráð­gjafa Samherja.

Tölvu­póstar sýna fram á að Þorbjörn hefur borið að minnsta kosti sumar grein­arnar undir þá sem hann kallar „menn­ina“, yfir­menn hjá Samherja, áður en Páll hefur síðan fengið „grænt ljós“ á að senda þær inn til Vísis til birt­ingar undir sínu nafni.

Kjarninn beindi fyr­ir­spurn til Þóris Guð­munds­sonar, rit­stjóra frétta­stofu Stöðvar 2, Bylgj­unnar og Vísis, um það hvort – og þá hvernig – mið­ill­inn ætl­aði að bregð­ast við þeim upp­lýs­ingum um upp­runa þeirra greina sem hafa verið settar fram í nafni Páls Stein­gríms­sonar á und­an­förnum miss­erum sem hafa komið fram í umfjöll­unum Kjarnans og Stund­ar­innar.

Þórir segir í skrif­legu svari að það sé stefna rit­stjórn­ar­innar að taka ekki greinar af Vísi sem þar hafa verið birtar. Þar muni þær standa í sama formi og þegar þær voru upp­haf­lega birtar.

„Frétta­flutn­ingur und­an­farna daga sýnir vel hvernig þessar greinar urðu til og það verður í fram­tíð­inni hluti af sögu­legri fram­vindu Sam­herj­a­máls­ins,“ segir rit­stjór­inn í svari sínu til Kjarnans.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Samherjamálið

FréttirSamherjamálið

Hlut­hafar Samherja taka út millj­arð í arð eftir upp­skipt­ingu félags­ins

Veru­legar breyt­ingar voru gerðar á upp­bygg­ingu útgerð­ar­ris­ans Samherja í fyrra þegar fjár­fest­ing­ar­starf­semin var aðskilin frá útgerð­ar­rekstri með stofnun eign­ar­halds­fé­lags­ins Látra­fjalla ehf. Líklegt er að eig­endur Samherja ætli sér einnig að færa útgerð­ar­fé­lagið inn í eign­ar­halds­fé­lagið Látra­fjöll en skatta­legar ástæður geta legið þar að baki.
FréttirSamherjamálið

Almenn­ings­hluta­fé­lag í stórri eigu Samherja kaupir í sölu­fyr­ir­tæki Samherja

Þor­steinn Már Bald­vins­son, for­stjóri Samherja og stjórn­ar­for­maður Síld­ar­vinnsl­unnar, vék sæti þegar almenn­ings­hluta­fé­lagið ákvað að kaupa hluta­bréf í sölu­fyr­ir­tæki Samherja af útgerð­inni. Síld­ar­vinnslan ákvað einnig að kaupa hluta­bréf af fyr­ir­tæki í eigu Þor­steins Más og Krist­jáns Vil­helms­sonar fyrir rúm­lega 2 millj­arða króna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár