Ný könnun: Næstum tveir af hverjum þremur treysta ekki Bjarna til að selja Íslandsbanka

Alls segj­ast 63 pró­sent aðspurðra í nýrri könnun MMR treysta Bjarna Bene­dikts­syni, fjár­mála- og efna­hags­ráð­herra, mjög eða frekar illa til að leiða einka­væð­ingu Íslands­banka. Könnunin, sem gerð var dag­anna 13-18. jan­úar, var fram­kvæmd fyrir þrýsti­hóp­inn Skilta­karl­anna. Fyrst var greint frá henni á vef Frétta­blaðs­ins.

Á móti segj­ast 23 pró­sent lands­manna treysta Bjarna frekar eða mjög vel til að leiða sölu á hlut rík­is­ins í bank­anum. 14 pró­sent svar­enda sagð­ist ekki hafa afger­andi skoðun á því hvort þeir treystu for­manni Sjálf­stæð­is­flokks­ins til verks­ins eða ekki.

Um net­könnun var að ræða og var fjöldi svar­enda 915.

[adspot]Í könn­un­inni kemur fram að því hærri sem tekjur svar­enda eru því lík­legri eru þeir til að treysta Bjarna til að leiða sölu á hlut rík­is­ins í bank­anum. Þannig segj­ast 30 pró­sent þeirra sem eru með yfir eina milljón króna í heim­il­is­tekjur treysta honum í verkið en 52 pró­sent van­treysta honum í það. Hjá þeim sem eru með 400 þús­und krónur eða minna í heim­il­is­tekjur treysta ein­ungis 14 pró­sent svar­enda Bjarna en 76 pró­sent treysta honum mjög eða frekar illa.

[links]Sölu­ferlið á Íslands­banka var sett á ís í mars í fyrra en skyndi­lega end­ur­vakið 17. des­em­ber síð­ast­lið­inn þegar Banka­sýsla rík­is­ins sendi til­lögu til Bjarna þess efn­is. Sú til­laga var sam­þykkt fjórum dögum síð­ar, 21. des­em­ber.

Samhliða var sent bréf og grein­ar­gerð til Alþingis og óskað eftir umsögn fjár­laga­nefndar og efna­hags- og við­skipta­nefndar um grein­ar­gerð­ina. Nefnd­ar­menn fengu til 20. jan­ú­ar, eða einn mán­uð, til að skila þeirri umsögn. Hún þarf því að liggja fyrir á mið­viku­dag en fyrsti þing­fundur árs­ins 2021 var í dag.

Þar flutti Bjarni munn­lega skýrslu um hina vænt­an­legu sölu á hlut rík­is­ins í Íslands­banka og í kjöl­farið hófust umræður um málið. Þær standa enn yfir þetta er skrifað.