Guðlaugur Þór Þórðarson utanríkisráðherra er í fyrsta sæti í prófkjöri Sjálfstæðisflokksins í Reykjavík samkvæmt tölum þegar búið er að telja rúmlega þrjú þúsund atkvæði. Áslaug Arna Sigurbjörnsdóttir dómsmálaráðherra er í öðru sæti og Diljá Mist Einarsdóttir, aðstoðarmaður Guðlaugs Þórs, er í þriðja sæti. Alls munar 101 atkvæðum á Guðlaugi Þór og Áslaugu Örnu í fyrsta sætið sem stendur.
Þingmaðurinn Brynjar Níelsson er í fjórða sæti og Hildur Sverrisdóttir, aðstoðarmaður ráðherra og varaþingmaður, er í fimmta sæti. Birgir Ármannsson, þingflokksformaður Sjálfstæðisflokks, er í sjötta sæti samkvæmt fyrstu tölum.
[adspot]Þar á eftir koma Kjartan Magnússon, fyrrverandi borgarfulltrúi, í sjöunda sætinu og í því áttunda situr Sigríður Andersen, sitjandi þingmaður og fyrrverandi dómsmálaráðherra.
Sjálfstæðisflokkurinn er sem stendur með fimm þingmenn samanlagt í báðum Reykjavíkurkjördæmunum. Samkvæmt nýjustu könnunum getur flokkurinn vænst þess að ná fjórum til fimm þingmönnum inn í kjördæmum höfuðborgarinnar.
Alls er búið að telja um 3.013 atkvæði af um 7.500 en búist er við að lokatölur liggi fyrir í nótt.
Fréttin var uppfærð kl. 21:12 eftir að aðrar tölur voru birtar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Ásmundur Einar Daðason staðið sig best allra ráðherra – Bjarni Benediktsson langverst
Samfylkingin ekki stærri hjá Gallup í tólf ár en Vinstri græn hafa aldrei mælst minni
42,1 prósent innflytjenda greiddu atkvæði í síðustu alþingiskosningum
Allir formenn stjórnarflokkanna tapað umtalsverðu trausti á kjörtímabilinu
Tíð ríkisstjórnarskipti og kórónuveiran hafa stóraukið nýtingu fjáraukalaga
Athugasemdir