200 milljónir í endurbætur á nýjum leikskóla

Áætlaður kostn­aður við fram­kvæmdir vegna end­ur­bóta á hús­næði leik­skól­ans Brák­ar­borgar er um 200 millj­ónir króna. Leik­skól­inn hóf starf­semi fyrir tveimur árum í end­ur­nýj­uðu hús­næði við Klepps­veg sem áður hýsti kyn­lífs­hjálp­ar­tækja­verslun.

Mistök í hönnun og framkvæmd
Mistök í hönnun og fram­kvæmd Þak leik­skól­ans Brák­ar­borgar, sem hóf starf­semi á Klepps­vegi fyrir tveimur árum, stenst ekki burð­ar­þol. Torf á þak­inu hefur verið fjar­lægt og fram­kvæmdir eru í und­ir­bún­ingi. Áætlaður kostanður er 200 millj­ónir króna. Mynd: Golli

Borg­ar­ráð hefur sam­þykkt að heim­ila umhverfis- og skipu­lags­sviði að bjóða út fram­kvæmdir vegna end­ur­bóta á hús­næði leik­skól­ans Brák­ar­borgar. Áætlaður kostn­aður við fram­kvæmd­irnar er um 200 millj­ónir króna.

Leik­skól­inn Brák­ar­borg var áður til húsa við Brák­ar­sund en starf­semin var flutt á Klepps­veg 150 til 152 sum­arið 2022 í upp­gert hús­næði þar sem kyn­lífs­hjálp­ar­tækja­versl­unin Adam og Eva var áður til húsa. Á Brák­ar­borg eru 100 börn á sex deildum og á leik­skól­anum starfa um 30 manns. Þegar leik­skól­inn tók til starfa á Klepps­vegi fékk Reykja­vík­ur­borg viður­kenn­ing­una Grænu skófl­una fyr­ir bygg­ingu leik­skól­ans en verð­launin eru veitt fyr­ir mann­virki sem byggt hef­ur verið með fram­úrsk­ar­andi vist­væn­um og sjálf­bær­um áhersl­um.

Skömmu eftir verð­launa­af­hend­ing­una ákvað umhverfis- og skipu­lags­svið að fara í ítar­lega skoðun á burð­ar­virki Brák­ar­borgar í kjöl­far ábend­ingar starfs­fólks. Reykja­vík­ur­borg fékk verk­fræði­stof­urnar Verkís og VSÓ til að taka út burð­ar­virki leik­skól­ans eftir að athuga­semdir bár­ust. Nið­ur­staða þeirra er að þakið stenst ekki ítr­ustu staðla nútíma­bygg­inga varð­andi burð­ar­þol. Í ljós kom að reiknað álag frá ásteypu­lagi og torfi á þak­inu var meira en til­greint var á teikn­ingum.

„Því sé ljóst að mis­tök voru gerð í hönnun og/eða fram­kvæmd við Brák­ar­borg. Reykja­vík­ur­borg hefur þegar sent öllum verk­tökum og ráð­gjöfum sem komu að verk­inu form­legt bréf þar sem til­kynnt er um mögu­lega hönn­unar- og eða fram­kvæmdagalla og að skoðað verði hvar ábyrgðin liggi,“ segir í grein­ar­gerð borg­ar­ráðs sem Einar Þor­steins­son borg­ar­stjóri und­ir­rit­aði 20. ágúst síð­ast­lið­inn. Ákveðið var að rýma leik­skól­ann og var starf­semin flutt í Ármúla 28 til 30 þar sem hún verður á meðan fram­kvæmdir standa yfir. 

„Því sé ljóst að mis­tök voru gerð í hönnun og/eða fram­kvæmd við Brák­ar­borg“
Úr grein­ar­gerð um Brák­ar­borg,
und­ir­rituð af Einari Þor­steins­syni borg­ar­stjóra

Í fram­haldi af því var lagt til að borg­ar­ráð sam­þykkti að fela Innri end­ur­skoðun og ráð­gjöf Reykja­vík­ur­borgar að ráð­ast í heild­ar­út­tekt á ferl­inu í kringum bygg­ingu leik­skól­ans Brák­ar­borgar þegar kemur að hönnun, fram­kvæmdum og eft­ir­liti leik­skól­ans. Það hefur nú gengið eftir og áætlað er að fram­kvæmdir hefj­ist bráð­lega. Meðal þess sem verður gert er að fjar­lægja torf af þaki leik­skól­ans, upp­bygg­ing þak­virkis verður end­ur­skoðuð og end­ur­hönnuð ásamt því að styrk­ingum verður bætt við inn­an­húss.

For­eldrar á Brák­ar­borg voru boð­aðir á upp­lýs­inga­fund á mið­viku­dag þar sem farið var yfir fram­kvæmda­á­ætlun. Áætlað er að fram­kvæmd­unum verði lokið á fyrri helm­ingi næsta árs.

Kjósa
10
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár