Vígamenn á Síanískaga í Egyptalandi, sem berjast undir merkjum Íslamska ríkisins, segjast hafa skotið niður flugvél Kogalymavia flugfélagsins rússneska í dag, samkvæmt yfirlýsingum sem birst hafa á internetinu. Ekkert hefur þó verið staðfest ennþá, þar sem rannsókn er á frumstigi.
Enginn af þeim 224 sem var um borð í flugvél Kogalymavia, í flugi númer KGL9268, komst lífs af þegar flugvélin fórst í Egyptalandi í morgun, en hún var á leið frá ferðamannabænum Sharm el-Sheikh við Rauðahafið til St. Pétursborgar. Hún fórst um tuttugu og tveimur mínútum eftir flugtak.
Vladímir Pútín, forseti Rússlands, hefur lýst yfir þjóðarsorg í Rússlandi og fyrirskipað rannsókn á orsökum þess að vélin fórst. Nær allir um borð voru Rússar, aðallega ferðamenn. Þrír einstaklingar frá Úkraínu voru um borð, af þeim 217 farþegum sem voru í vélinni. Áhöfnin vélarinnar taldi sjö talsins.
Samkvæmt fréttum breska ríkisútvarpsins BBC voru 138 konur í vélinu og sautján börn á aldrinum tveggja til sautján ára. Aðstæður á vettvangi slyssins er sagðar skelfilegar. Hin svokallaði svarti kassi, sem geymir upplýsingar um samskipti og aðgerðir flugmanna, er þegar fundinn og hefur verið fjarlægður af vettvangi til rannsóknar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir