Evrópskur vopnaframleiðandi fær mestu fjármögnun frá upphafi í geiranum

Evrópa eykur vopna­fram­leiðslu eftir rof gagn­vart Banda­ríkj­unum og inn­rás Rússa í Úkraínu.

Innrásin í Úkraínu
Innrásin í Úkraínu Úkra­ínskur her­maður í Donetsk, sem Rússland Pútíns hefur reynt að inn­lima í inn­rás. Mynd: AFP

Tékk­neski vopna­fram­leið­and­inn CSG var skráður á hluta­bréfa­mark­að­inn í Amster­dam í dag og safn­aði 3,8 millj­örðum, eða 555 millj­örðum íslenskra króna, í stærsta frumút­boði (IPO) í varn­ar­mála­geir­anum í heim­inum.

Skrán­ingin metur fyr­ir­tækið, sem er lyk­il­birgir skot­færa og vopna til NATO-ríkja og Úkraínu, á 25 millj­arða evra, sam­kvæmt yfir­lýs­ingu frá mark­aðnum í Amster­dam.

Á sama tíma hafa nor­rænir líf­eyr­is­sjóðir minnkað fjár­fest­ingu í banda­rískum rík­is­skulda­bréfum, sem fjár­magna halla­rekstur banda­ríska rík­is­ins. Banda­ríkja­for­seti hefur hótað „stórum hefnd­ar­að­gerðum“ ef Evrópa dregur úr þessum fjár­fest­ingum. Evr­ópu­þjóðir eiga sam­tals banda­rísk rík­is­skulda­bréf og hluta­bréf í Banda­ríkj­unum að and­virði 8 þús­und millj­arða dala en alríkið skuldar sam­tals 38 þús­und millj­arða dala.

Þetta var „stærsta frumút­boð í varn­ar­mála­geir­anum sem skráð hefur verið í heim­inum, bæði hvað varðar upp­hæð sem safn­að­ist og mark­aðsvirði,“ sagði kaup­höllin. Upphæðin jafn­gildir um fjórð­ungi af heild­ar­út­gjöldum íslenska rík­is­ins.

Samkvæmt útboðs­lýs­ingu fyr­ir­tæk­is­ins er CSG „annar stærsti fram­leið­andi með­al­stórra og stórra skot­færa í Evrópu og stærsti fram­leið­andi smærri skot­færa á heims­vísu miðað við sölu.“

Nærri 70 pró­sent af sölu þess er til NATO-ríkja og fyr­ir­tækið telur sig munu hagn­ast á því að banda­lagið auki vopna- og skot­færa­fram­leiðslu til að bregð­ast við ógn­unum frá Rúss­landi.

Á leið­toga­fundi í Haag á síð­asta ári skuld­bundu NATO-ríkin sig til að auka útgjöld til varn­ar­mála í fimm pró­sent af fram­leiðslu fyrir árið 2035.

Fyr­ir­tækið sagð­ist selja her­gögn í meira en 70 löndum um allan heim og vera með 14.000 starfs­menn.

CSG var stofnað í Tékk­landi en hefur einnig verk­smiðjur á Indlandi, Ítalíu, Serbíu, Slóvakíu, Spáni, Bret­landi og í Banda­ríkj­unum.

Michal Strnad, stjórn­ar­for­maður CSG, fagn­aði því sem hann kall­aði „sögu­legan áfanga“ með frumút­boð­inu.

„Við erum stolt af sam­setn­ingu tékk­neskrar iðn­að­ar­arf­leifðar okkar og alþjóð­legrar fram­leiðslu okkar,“ bætti þessi 33 ára frum­kvöð­ull við.

Kjósa
21
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár