Áslaug Arna Sigurbjörnsdóttir dómsmálaráðherra leiðir nú í prófkjöri Sjálfstæðisflokksins í Reykjavík. Guðlaugur Þór Þórðarson utanríkisráðherra var efstur eftir fyrstu tvær tölur en sú staða hefur nú snúist eftir að 4.875 atkvæði af um 7.500 hafa verið talin. Einungis 55 atkvæðum munar á ráðherrunum tveimur þegar kemur að atkvæðum greiddum í efsta sætið.
[adspot]Í þriðja sæti er Diljá Mist Einarsdóttir, aðstoðarmaður Guðlaugs Þórs, og sú vending hefur orðið að Hildur Sverrisdóttir, sem er aðstoðarmaður Þórdísar Kolbrúnar Reykfjörð Gylfadóttur og varaþingmaður, er nú í fjórða sæti. Í fimmta sæti er Birgir Ármannsson, þingflokksformaður Sjálfstæðisflokksins.
Tveir sitjandi þingmenn flokksins eru langt frá því að ná þeim árangri sem þeir stefndu að í prófkjörinu. Brynjar Níelsson er sem stendur í sjötta sæti og Sigríður Andersen, fyrrverandi dómsmálaráðherra, stefnir í afhroð og er í áttunda sæti. Á milli þeirra er Kjartan Magnússon, fyrrverandi borgarfulltrúi.
Sjálfstæðisflokkurinn er sem stendur með fimm þingmenn samanlagt í báðum Reykjavíkurkjördæmunum. Samkvæmt nýjustu könnunum getur flokkurinn vænst þess að ná fjórum til fimm þingmönnum inn í kjördæmum höfuðborgarinnar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Ásmundur Einar Daðason staðið sig best allra ráðherra – Bjarni Benediktsson langverst
Samfylkingin ekki stærri hjá Gallup í tólf ár en Vinstri græn hafa aldrei mælst minni
42,1 prósent innflytjenda greiddu atkvæði í síðustu alþingiskosningum
Allir formenn stjórnarflokkanna tapað umtalsverðu trausti á kjörtímabilinu
Tíð ríkisstjórnarskipti og kórónuveiran hafa stóraukið nýtingu fjáraukalaga
Athugasemdir