Guðmundur verður oddviti Viðreisnar í Norðvesturkjördæmi

Guð­mundur Gunn­ars­son, fyrrum bæj­ar­stjóri Ísa­fjarð­ar­bæjar mun leiða lista Við­reisnar í Norð­vest­ur­kjör­dæmi. Þetta var til­kynnt í mynd­bandi sem flokk­ur­inn birti á sam­fé­lags­miðlum í dag. Heild­ar­listi flokks­ins í kjör­dæm­inu liggur ekki fyrir og er upp­still­ing­ar­nefnd hans enn að störfum.

Kjarninn greindi frá því 14. des­em­ber síð­ast­lið­inn að Guð­mundur væri geng­inn í Viðreisn og stefndi að því að leiða lista flokks­ins í kjör­dæm­inu. Hann hefur ekki áður verið hluti af stjórn­mála­afli.

Í til­kynn­ingu segir Guð­mundur að hann hafi ákveðið að bjóða sig fram í Norð­vest­ur­kjör­dæmi vegna þess að hann beri sterkar taugar til heima­haga sinna og vilji vinna að því að rétta hlut svæð­is­ins. „Það býr kraftur í Norð­vest­ur­kjör­dæmi og þann kraft þarf að leysa úr læð­ingi með breyttum áherslum og ferskum vindum. Þar sem leið­ar­stefið er að almanna­hags­munir trompi sér­hags­muni.“

[adspot]Guð­mundur er með meist­ara­próf í alþjóða­við­skiptum og BA próf í fjöl­miðla­fræði. Hann starf­aði áður við fréttir og dag­skrár­gerð hjá RÚV en hefur síð­ustu ell­efu ár gegnt stjórn­un­ar­stöðum hjá 66°NORÐUR, AFS á Íslandi og nú síð­ast sem bæj­ar­stjóri Ísa­fjarð­ar­bæjar. Hann hætti í því starfi í jan­úar í fyrra eftir ágrein­ing við meiri­hluta bæj­ar­stjórnar.

Í við­tali við Mann­líf í febr­úar í fyrra sagð­ist hann hafa orðið þess mjög fljótt áskynja eftir að hafa verið ráð­inn í starfið að hann nyti ekki stuðn­ings Sjálf­stæð­is­flokks­ins, sem var stærri flokk­ur­inn í meiri­hlut­anum í sveit­ar­fé­lag­inu.

Viðreisn er ekki með þing­mann í Norð­vest­ur­kjör­dæmi sem stendur.