4. mars 2024 Sama dag og Vinstri græn héldu flokks­ráðs­fund birt­ist könn­un sem sýndi að flokk­ur­inn myndi falla af þingi. Á fund­in­um voru sam­þykkt­ar álykt­an­ir þar sem ýms­ir mála­flokk­ar, stýrt af sam­starfs­flokk­um Vinstri grænna í rík­is­stjórn, voru harð­lega gagn­rýnd­ir, stuðn­ingi lýst við fram­göngu Svandís­ar Svavars­dótt­ur og göm­ul stefnu­mál sett aft­ur á odd­inn.

4. mars 2024 Ákvörð­un um að veita nán­ast öll­um Venesúela­bú­um hæli var ekki póli­tísk – að sögn upp­lýs­inga­full­trúa Út­lend­inga­stofn­un­ar. Fyrr­ver­andi dóms­mála­ráð­herra tel­ur þó að póli­tík­in hefði átt að grípa inn í þeg­ar um­sókn­um fór að fjölga veru­lega.

3. mars 2024 Líf­eyr­is­sjóð­ir munu geta greitt fyr­ir hluti í Ís­lands­banka með ÍL-sjóðs­bréf­um. Degi eft­ir að frum­varps­drög um sölu á hlut­um í Ís­lands­banka voru birt ákváðu 18 líf­eyr­is­sjóð­ir að ganga til samn­inga við rík­ið um upp­gjör á ÍL-bréf­un­um. Ís­lands­banki fær ekki að taka þátt í sölu­ferl­inu á sjálf­um sér.

1. mars 2024 Eitt af stóru trygg­inga­fé­lög­um lands­ins, VÍS, keypti fjár­fest­inga­bank­ann Fossa í fyrra fyr­ir alls 4,7 millj­arða króna í fyrra. End­an­lega verð­ið var nokk­uð frá því sem áð­ur hafði ver­ið í um­ræð­unni og í nýbirt­um árs­reikn­ingi kem­ur fram að stærsti hluti kaup­verðs­ins hafi ver­ið svo­kall­að yf­ir­verð. Verð sem greitt var fyr­ir eitt­hvað ann­að en virði eigna Fossa. Í þessu til­felli vörumerki og við­skipta­vild.

28. febrúar 2024 Mikl­ar breyt­ing­ar hafa ver­ið gerð­ar á Sam­herja­sam­stæð­unni á síð­ustu ár­um og eign­ar­hald á henni að stóru leyti fært yf­ir til barna stofn­enda fyr­ir­tæk­is­ins. Fé­lag í eigu barna Þor­steins Más Bald­vins­son­ar sem fékk selj­endalán frá for­eldr­um sín­um til að kaupa hlut þeirra í Sam­herja hef­ur ein­ung­is greitt vexti af lán­inu og hagn­ast alls um 16 millj­arða króna á þrem­ur ár­um.

26. febrúar 2024 Sam­tök fjár­mála­fyr­ir­tækja segja að frum­varp sem mun gera Seðla­bank­an­um kleift að koma á fót inn­lendri smá­greiðslumiðl­un geri „ráð fyr­ir óvenju­legu inn­gripi í rekst­ur fyr­ir­tækja á sam­keppn­ismark­aði“. Heim­ili lands­ins greiddu alls 37 millj­arða króna í bein og óbein þjón­ustu­gjöld vegna notk­un­ar á greiðslu­kort­um á ár­inu 2022.

17. febrúar 2024 Vaxta­tekj­ur voru uppistað­an í 83,5 millj­arða króna hagn­aði ís­lensku við­skipta­bank­anna þriggja á síð­asta ári. Á sama tíma jókst vaxta­kostn­að­ur heim­ila um rúm­lega 50 pró­sent. Banka­skatt­ur, sem var lækk­að­ur veru­lega í kór­ónu­veirufar­aldr­in­um, skil­aði rík­is­sjóði 5,8 millj­örð­um króna í fyrra.

14. febrúar 2024 Tek­ið hef­ur ver­ið til­lit til sumra þeirra at­huga­semda sem íbú­ar Grinda­vík­ur gerðu við frum­varp um upp­kaup á hús­næði þeirra, en alls ekki allra. Stjórn­völd telja að það eig­ið fé sem Grind­vík­ing­um býðst að fá sé vel nægj­an­legt „til þess að ein­stak­ling­ar geti al­mennt keypt íbúð til eig­in nota sem er í meg­in­drátt­um af sam­bæri­leg­um gæð­um og sú íbúð sem þeir eiga nú í Grinda­vík.“

14. febrúar 2024 Formað­ur VR fékk í gær sam­þykkta heim­ild til þess að grípa til að­gerða og fé­lög inn­an breið­fylk­ing­ar­inn­ar hafa blás­ið til fund­ar í dag þar sem rætt verð­ur um næstu skref. Um tals­verð­an við­snún­ing er að ræða frá því að kjara­við­ræð­ur hóf­ust fyrst. Nú hafa við­ræð­urn­ar harðn­að og er það fyrst og fremst vegna ósætt­is um for­sendu­ákvæði í langa­tíma­kjara­samn­ingn­um.

14. febrúar 2024 Níu þing­menn Sjálf­stæð­is­flokks vilja gjör­breyta rekstri RÚV, gera mið­il­inn aft­ur að rík­is­stofn­un og draga veru­lega úr um­svif­um hans á aug­lýs­inga­mark­aði. Sam­hliða vilja þeir af­nema styrkja­kerfi fyr­ir einka­rekna fjöl­miðla en inn­leiða skattaí­viln­an­ir sem munu fyrst og síð­ast auka stuðn­ing við stærstu einka­reknu fjöl­miðla lands­ins.

12. febrúar 2024 Grind­vík­ing­ar styðja al­mennt til­gang frum­varps um upp­kaup rík­is­ins á hús­næði þeirra en eru veru­lega ósátt­ir við marg­ar þeirra leiða sem stjórn­völd vilja fara. Þau ætli sér að pikka út „eitt og eitt hús“ og því sé „óánægj­an al­gjör“. 1.120 heim­ili eru í Grinda­vík. Rík­ið met­ur um­fang upp­kaup­anna sem stefnt er að á 61 millj­arð króna.

12. febrúar 2024 Skatt­ur­inn er á góðri leið með að stórsk­aða at­vinnu­líf á Bíldu­dal og skilja Súð­vík­inga eft­ir með skuld­ir og sárt enn­ið, með óbil­girni, tudda­skap og af ann­ar­leg­um hvöt­um. Um þetta opn­aði fram­kvæmda­stjóri fyr­ir­tæk­is sig fyr­ir full­um sal í Hörpu á dög­un­um. Að fund­in­um stóðu skatta­ráð­gjaf­ar með stuðn­ingi alls at­vinnu­lífs­ins.

12. febrúar 2024 For­stjóri fjár­fest­inga­fé­lags­ins SKEL yf­ir­gaf Ari­on banka á ár­inu 2022. Fyr­ir það fékk hann greiðslu upp á ann­að hundrað millj­ón­ir króna vegna „keyptra starfs­rétt­inda“ of­an á hefð­bund­in laun og kauprétt­ar­samn­ing sem met­inn var á einn millj­arð króna. Í fyrra fékk hann 8,6 millj­ón­ir króna á mán­uði í laun og 90 millj­óna króna ein­skipt­is­greiðslu.

9. febrúar 2024 Tveir starfs­loka­samn­ing­ar við stjórn­end­ur sem voru látn­ir hætta störf­um eft­ir að Ís­lands­banki við­ur­kenndi að hafa fram­ið marg­þætt lög­brot við sölu á sjálf­um sér kost­uðu bank­ann 146 millj­ón­ir króna í fyrra. Hann greiddi alls um 1,2 millj­arð króna í sekt vegna lög­brot­anna, sem er met hjá fjár­mála­fyr­ir­tæki.