1. ágúst 2023 Akra­nes­kaup­stað­ur er áfram um að bæta al­menn­ings­sam­göng­ur við höf­uð­borg­ar­svæð­ið, með­al ann­ars með rekstri fólks­flutn­inga­ferju milli mið­bæj­ar Akra­ness og mið­borg­ar Reykja­vík­ur. Slíkt myndi nýt­ast fólki sem fer á milli vegna vinnu og náms en ekki síð­ur gæti það lað­að ferða­menn upp á Skaga, seg­ir bæj­ar­stjóri Akra­ness.

1. ágúst 2023 Formað­ur stjórn­ar Hafna­sam­bands Ís­lands seg­ir að þre­falda þurfi fjár­fram­lög til ný­fram­kvæmda í höfn­um lands­ins næstu fimm ár frá því sem gert er ráð fyr­ir í fram­kvæmda­áætl­un sam­göngu­áætlun­ar. Tómt mál sé að tala um raf­væð­ingu flot­ans nema veru­lega auk­ið fjár­magn komi til.

31. júlí 2023 Fræðslu vant­ar um sjúk­dóm­inn en­dómetríósu sam­kvæmt ungri konu sem bíð­ur nú eft­ir legnáms­að­gerð. Í tæp 20 ár hef­ur Sara Dögg Dav­íðs­dótt­ir Baxter þjáðst af verkj­um vegna en­dómetríósu. Það tók hana fjög­ur ár að eign­ast fyrsta barn­ið sitt og var henni þá sagt að ófrjó­sem­in staf­aði af streitu en ekki sjúk­dómn­um. Beð­ið er eft­ir samn­ingi heil­brigð­is­ráð­herra við Klíník­ina sem mun að­stoða leg­hafa við að kom­ast fyrr í legnám.

31. júlí 2023 Fjöldi fyr­ir­tækja ræð­ur ekki við að end­ur­greiða stuðn­ingslán sem þau fengu vegna greiðslu­falls í heims­far­aldr­in­um á þeim tíma sem gert er ráð fyr­ir. Fé­lag at­vinnu­rek­enda hvet­ur til að greiðslu­tím­inn verði lengd­ur enda myndi það í ein­hverj­um til­vik­um firra rík­is­sjóð frek­ara tjóni.

31. júlí 2023 Ár­ið í ár er á góðri leið með að slá met yf­ir fjölda skráðra gistinátta. Það sem af er ári eru skráð­ar gist­inæt­ur rúmri hálfri millj­ón fleiri en á sama tíma metár­ið 2018. Skráð­ar gist­inæt­ur í júní hafa aldrei ver­ið fleiri.

31. júlí 2023 Líf­tæknifyr­ir­tæk­ið Al­votech hef­ur afl­að sér ríf­lega 13 millj­arða króna með úboði á breyt­an­leg­um skulda­bréf­um. Virði fé­lags­ins hef­ur hríð­fall­ið frá 13. apríl þeg­ar því var fyrst synj­að um mark­aðs­leyfi fyr­ir hlið­stæðu­lyf í Banda­ríkj­un­um.

31. júlí 2023 Hand­taka tveggja manna í Mjódd­inni síð­ast­lið­inn þriðju­dag olli óhug veg­far­enda en lög­reglu­menn sem að hand­tök­unni stóðu voru óein­kennisklædd­ir og grímu­bún­ir. Ell­efu ára stúlk­ur á leið á Barbie kvik­mynd­ina urðu mjög skelk­að­ar. Menn­irn­ir eru grun­að­ir um að hafa flutt til lands­ins um tvö kíló af kókaíni.

31. júlí 2023 Stjórn­mála- og vís­inda­fólk kall­ar eft­ir al­þjóð­legu banni við námu­vinnslu á hafs­botni. Núna fund­ar Al­þjóða­haf­botns­stofn­un­in um mál­ið. Andrés Ingi Jóns­son þing­mað­ur Pírata spurði um­hverf­is-, orku- og lofts­lags­ráð­herra um af­stöðu Ís­lands í mál­inu á þingi fyrr í sum­ar en fékk óljós svör.

30. júlí 2023 Súkkulaði sænska sæl­gæt­is­fram­leið­and­ans Mara­bou er brátt á þrot­um í versl­un IKEA á Ís­landi. Í sum­ar var ákveð­ið að hætta sölu á súkkulað­inu sem er orð­ið að eins kon­ar tákn­mynd í Sví­þjóð fyr­ir snið­göngu á vör­um sem tengj­ast við­skiptaum­svif­um í Rússlandi.

29. júlí 2023 Pedro Sánchez þarf að sækja stuðn­ing úr mörg­um átt­um til að halda í embætti sitt sem for­sæt­is­ráð­herra Spán­ar eft­ir ný­af­staðn­ar kosn­ing­ar. Rót­tæk­asti flokk­ur katalónskra sjálf­stæð­issinna er í lyk­il­stöðu þrátt fyr­ir að hafa ein­ung­is feng­ið sjö þing­sæti af 350.

29. júlí 2023 Á lista yf­ir fyr­ir­tæki sem úkraínsk sam­tök hvetja til snið­göngu á eru fyr­ir­tæki sem fram­leiða vör­ur sem ís­lensk­ir neyt­end­ur þekkja vel. Krón­an og versl­an­ir Haga hafa ekki hætt sölu á vör­um fyr­ir­tækj­anna. Vöru­fram­boð hef­ur þó breyst í kjöl­far stríðs­ins.

28. júlí 2023 Ung kona, Kolfinna Ír­is Rún­ars­dótt­ir, hleyp­ur til heið­urs afa sín­um sem lést úr Park­in­sons fyrr á ár­inu. Hún safn­aði rúm­um 100.000 krón­um fyr­ir Park­in­son­sam­tök­in á tveim­ur sól­ar­hring­um og stefn­ir á að klára mara­þon á rétt rúm­um 4 klukku­stund­um.

28. júlí 2023 Sjálf­stæð­is­flokk­ur­inn mæl­ist með 16 pró­senta fylgi og Ólaf­ur Þ. Harð­ar­son stjórn­mála­fræði­pró­fess­or seg­ist ekki muna eft­ir verri út­komu flokks­ins í skoð­ana­könn­un frá upp­hafi vega. Hann hef­ur þó fyr­ir­vara á könn­un­um fyr­ir­tæk­is­ins Pró­sents en þær hafi sýnt sig í að sýna meiri skekkj­ur en al­mennt er.

28. júlí 2023 Ný mæl­ing Pró­sents sýn­ir stöðu stjórn­mála­flokk­anna nú á miðju kjör­tíma­bili. Með mest fylgi mæl­ist Sam­fylk­ing­in en þar á eft­ir er Sjálf­stæð­is­flokk­ur­inn með rúm­lega 11 pró­sentu­stiga minni stuðn­ing. Hinir rík­is­stjórn­ar­flokk­arn­ir tveir sitja í rúm­um 7 pró­sentu­stiga.

28. júlí 2023 Hver Sjálf­stæð­is­flokks­mað­ur­inn á fæt­ur öðr­um hef­ur síð­ustu daga og vik­ur stig­ið fram og fund­ið rík­is­stjórn­ar­sam­starf­inu og einkum sam­starfs­flokkn­um Vinstri græn­um allt til foráttu. Fyr­ir vik­ið ger­ir formað­ur Mið­flokks­ins grín að þeim og vara­borg­ar­full­trúi Vinstri grænna seg­ir þá „sturl­aða af frekju“.