5. mars 2024 Sam­fé­lags­mið­ill­inn Face­book lá niðri í dag tæpa klukku­stund. Not­end­ur víða um heim hafa vak­ið at­hygli á því að hafa skyndi­lega ver­ið læst­ir út af að­gangi sín­um. Svo virð­ist sem að það sama eigi við um aðr­ar sam­fé­lags­miðla­þjón­ust­ur sem móð­ur­fyr­ir­tæki Face­book, Meta, rek­ur. In­sta­gram, Threads og Face­book Messenger liggja líka niðri

5. mars 2024 Sam­kvæmt nýrri könn­un Vörðu – Rann­sókn­ar­stofn­un­ar vinnu­mark­að­ar­ins á 40 pró­sent launa­fólks erfitt með að ná end­um sam­an. Skýrsl­an, sem kynnt var á fundi í Þjóð­menn­ing­ar­hús­inu í dag, leið­ir ljós að kjör til­tek­inna hópa sam­fé­lags­ins hafi versn­að um­tals­vert milli ára. Tæp­lega fjórð­ung­ur ein­hleypra for­eldra býr við efn­is­leg­an skort og fjár­hags­staða kvenna er verri en á karla á öll­um heild­ar­mæli­kvörð­um rann­sókn­ar­inn­ar. Þá mæl­ist staða inn­flytj­enda verri í sam­an­burði við inn­fædda Ís­lend­inga fjórða ár­ið í röð.

5. mars 2024 Sam­kvæmt nið­ur­stöð­um leigu­könn­un­ar Hús­næð­is- og mann­virkja­stofn­un­ar versn­aði samn­ingstaða leigj­enda gagn­vart leigu­söl­um um­tals­vert milli ár­anna 2022 og 2023. Könn­un­in bend­ir einnig þess að bæði hafi leigu­verð hækk­að og fram­boð á hús­næði við hæfi dreg­ist sam­an milli ára. Þró­un­in leggst þyngst á fjöl­skyld­ur sem bjuggu við þrengri kost ár­ið 2023 í sam­an­burði við ár­ið 2022.

5. mars 2024 Helgi Helga­son, mennta­skóla­kenn­ari sem við­hafði niðr­andi og rasísk um­mæli um palestínsk­an kepp­anda í Söngv­akeppni sjón­varps­ins, er kom­inn í leyfi frá störf­um. Hann mun hætta í fram­hald­inu.

5. mars 2024 Stjórn­ar­mað­ur í Sam­tök­um að­stand­enda og fíkni­sjúkra seg­ir tvo úr vina­hópi son­ar síns hafa lát­ist á þriggja mán­aða tíma­bili, 15 og 17 ára gaml­ir. Ekk­ert sér­hæft úr­ræði er hér á landi fyr­ir ungt fólk með vímu­efna­vanda. Tal­ið er að um hundrað manns lát­ist ár­lega af fíkni­sjúk­dómn­um ár­lega.

5. mars 2024 Ís­lensk stjórn­völd náðu í gær 72 ein­stak­ling­um sem hafa ís­lenskt dval­ar­leyfi út af Gaza. Fólk­ið er kom­ið til Kaíró í Egyptalandi en er á leið til Ís­lands. Ís­lensk stjórn­völd hafa sætt mik­illi gagn­rýni fyr­ir þann langa tíma sem tók að koma fólk­inu út af stríðs­hrjáðri Gaza-strönd­inni.

5. mars 2024 Fram­kvæmda­stjóri Sam­taka iðn­að­ar­ins drýg­ir tekj­ur sín­ar um­tals­vert með því að sitja sem stjórn­ar­formað­ur Kviku banka.

4. mars 2024 Færsla sem kenn­ari við Mennta­skól­ann að Laug­ar­vatni birti á sam­fé­lags­miðl­um hef­ur vak­ið at­hygli. Í færsl­unni tjáði kenn­ar­inn sig um Söngv­akeppni sjón­varps­ins og einn kepp­and­ann, Bash­ar Murad. Þykja um­mæl­in bera rík­an keim af ras­isma og kven­fyr­ir­litn­ingu. Skóla­meist­ari ML seg­ist hafa feng­ið marg­ar ábend­ing­ar um færslu kenn­ar­ans og að starfs­fólki skól­ans sé brugð­ið.

4. mars 2024 Læti brut­ust út í þingsal þeg­ar mað­ur stökk yf­ir hand­rið­ið sem skil­ur að sal­inn og þing­pall­ana þeg­ar dóms­mála­ráð­herra mælti fyr­ir út­lend­inga­frum­varpi sínu. Mað­ur­inn hróp­aði að um væri að ræða vont frum­varp og hót­aði að skaða sig.

4. mars 2024 Theo­dór Carl Stein­þórs­son, sem vann við fram­kvæmd síma­kosn­ing­ar­inn­ar á úr­slita­kvöldi Söngv­akeppn­inn­ar, seg­ir að ekk­ert óeðli­legt hafi ver­ið við fram­kvæmd henn­ar. Hegð­un inn­hring­inúm­era hafi ver­ið sam­bæri­leg og á öðr­um keppnis­kvöld­um. „Þetta er allt sam­kvæmt bók­inni,“ seg­ir hann. Nið­ur­stað­an hafi ver­ið sann­gjörn.

4. mars 2024 Vara­formað­ur Vinstri grænna vill að flokk­ur­inn noti tím­ann fram að næstu kosn­ing­um til að „kveikja neist­ann, ræða fram­sækn­ar hug­mynd­ir og finna rót­tækn­ina.“ Áhersl­ur flokks­ins í út­lend­inga­m­al­um hafi ekki kom­ist nægi­lega að í um­ræð­unni.

4. mars 2024 Efl­ing seg­ir að það séu góð­ar lík­ur á því að hægt verði að skrifa und­ir nýja kjara­samn­inga í dag eða á morg­un. Þrjú at­riði standa eft­ir sem samn­inga­nefnd Efl­ing­ar og Sam­tök At­vinnu­lífs­ins eiga eft­ir koma sér sam­an um. Enn á eft­ir að semja um út­færslu á upp­sagn­ar­vernd starfs­fólks á al­menn­um vinnu­mark­aði, orða­lag samn­inga sem snúa að trún­að­ar­mönn­um og að lok­um á eft­ir semja um kjör ræst­inga­fólks.

4. mars 2024 For­stjóri Sam­keppnis­eft­ir­lits­ins seg­ir að breytt eign­ar­hald fjöl­miðla hafi haft áhrif á gagn­rýni í garð eft­ir­lits­ins. Hann seg­ir að stærstu og öfl­ug­ustu fyr­ir­tæk­in séu gagn­rýn­ust á SKE. Það séu þau sem hafi sterk­ustu rödd­ina, eigi stund­um fjöl­miðla og hafi best­an að­gang að stjórn­mála­mönn­um.

4. mars 2024 Drífa Snæ­dal, tals­mað­ur Stíga­móta, seg­ir fækk­un til­kynn­inga á kyn­ferð­is­brot­um ekki end­ur­spegl­ast í kom­um þeirra sem leita til Stíga­móta. Þau finna ekki fyr­ir því að kyn­ferð­is­brot­um hafi far­ið fækk­andi og seg­ir kær­ur til lög­reglu ekki vera góð­an mæli­kvarða á það hvort að kyn­ferð­is­brot séu færri eða fleiri.

4. mars 2024 Eig­end­ur Sól­túns greiddu sér út 280 millj­ón­ir króna í fyrra með því að lækka hluta­fé hjá fé­lagi sem seldi lóð við hlið hjúkr­un­ar­heim­il­is­ins. All­ur rekst­ur eig­end­anna í Sól­túni bygg­ir á samn­ingi sem gerð­ur var við ís­lenska rík­ið um bygg­ingu og rekst­ur hjúkr­un­ar­heim­il­is­ins ár­ið 2000. Eig­end­urn­ir hafa á síð­ustu ár­um greitt 2.280 millj­ón­ir út úr rekstri fé­laga sem tengj­ast rekstri hjúkr­un­ar­heim­il­is­ins í Sól­túni.

3. mars 2024 Sam­kvæmt þjóð­hags­reik­ing­in­um Hag­stof­unn­ar var hag­vöxt­ur í fyrra 4,1 pró­sent. Sam­kvæmt upp­færð­um út­reikn­ing­um var hag­vöxt­ur 8,9 pró­sent ár­ið 2022, sem er með því mesta sem hef­ur mælst hér landi. Leita þarf aft­ur til ár­anna fyr­ir hrun og átt­unda ára­tug 20. ald­ar til að sjá við­líka töl­ur.