Fréttir

Börn forstjóra og bankamanna kenna ungu fólki að spara peninga

Mynd­band Lands­bank­ans um sparn­að ungs fólks sæt­ir gagn­rýni. „Við­mæl­end­urn­ir í mynd­band­inu eru ekki leik­end­ur held­ur ungt fólk sem beð­ið var að tala út frá eig­in reynslu,“ seg­ir upp­lýs­inga­full­trúi.

Börn forstjóra og bankamanna kenna ungu fólki að spara peninga
Ungt fólk og peningar Pétur Kiernan er andlit herferðarinnar. Mynd: Landsbankinn
Birtist upphaflega í Stundinni fyrir 7 árum.

Viðmælendur í herferð Landsbankans „Ungt fólk og peningar“ eru margir hverjir börn forstjóra, stjórnenda úr fjármálageiranum og áhrifamanna úr þjóðfélaginu. Markmið herferðarinnar er að skoða hvernig ungt fólk hugsar um peninga og sparnað.

Herferðin, sem unnin er í samstarfi við auglýsingastofuna Jónsson & Lemacks, sætti gagnrýni í Fréttablaðinu á dögunum. Þar var bent á að Pétur Kiernan, áhrifavaldur og andlit herferðarinnar, væri með Audemars Piguet úr á hendi í myndbandi þar sem hann ræddi við ungmenni um sparnað. Slíkt úr kosti nýtt um 4 milljónir króna.

„Mig langar að spara en mér finnst ekki mjög spennandi að fylla út excel-skjöl með kalda núðlusúpu í fanginu,“ segir Pétur á vef Landsbankans. „Ég vil líka geta lifað lífinu.“

Pétur er nemi í fjármálaverkfræði í Háskólanum í Reykjavík. Á samfélagsmiðlum hefur hann gert kynningar fyrir 66°Norður, Laugar Spa og Joe & the Juice. Faðir hans er Sigurður Hrafn Kiernan fjárfestir, sem áður var einn lykilstjórnenda Askar Capital og var með 104 milljónir króna í fjármagnstekjur árið 2017. 

Viðmælendur Péturs í myndbandinu eru einnig margir hverjir börn stjórnenda í atvinnulífinu og fjármálakerfinu. Í myndbandinu ræða námsmennirnir um það hvernig þeim finnist skynsamlegast að spara peninga. Eru nefnd ráð eins og að fara með dósir og flöskur í endurvinnslu til að eiga efni á bíóferð. Segjast þau flest vera að spara fyrir kaupum á íbúð.

Stundin sendi Landsbankanum fyrirspurn um hvort námsmennirnir væru ráðnir sem leikarar og hvort bankinn liti svo á að hópur viðmælenda í myndbandinu endurspeglaði reynsluheim ungs fólks þegar kemur að fjármálum.

„Viðmælendurnir í myndbandinu eru ekki leikendur heldur ungt fólk sem beðið var að tala út frá eigin reynslu,“ svarar Rúnar Pálmason, upplýsingafulltrúi Landsbankans. „Landsbankinn býr ekki yfir upplýsingum um stöðu og fjárhag foreldra þeirra sem koma fram í viðtölunum.“

Nokkur umræða hefur orðið um herferðina á samfélagsmiðlum. „Mér er sama hvað einhver leikari í auglýsingu fyrir banka er með dýrt úr,“ segir Óskar Steinn Jónínuson Ómarsson, varaformaður Ungra jafnaðarmanna, á Twitter.

„Eru áhrifavaldar leikarar?“ spyr þá Hrafn Jónsson pistlahöfundur. „Þeir koma fram undir eigin nafni og ímynd, en eru augljóslega að presentera mjög skekkta mynd af einhverskonar veruleika á þeim forsendum að selja.“

Konráð S. Guðjónsson, hagfræðingur Viðskiptaráðs Íslands, bregst einnig við frétt Fréttablaðsins á Twitter og telur skilaboð Landsbankans til ungs fólks af hinu góða.

Kjósa
1
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Halldór Jörgen Olesen
3
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Tæknistreita leiddi til skógarbaða
Viðtal

Tækn­istreita leiddi til skóg­ar­baða

Shinrin-yoku, eða skóg­ar­bað eins og það út­leggst á ís­lensku, er heiti á gagn­reyndri að­ferð til streitu­los­un­ar þar sem er ver­ið að beina hug­an­um og skyn­fær­un­um með­vit­að að nátt­úr­unni. Shinrin-yoku var við­bragð við versn­andi lýð­heilsu í Jap­an og er nú hluti af heil­brigðis­kerf­inu þar. Hér hafa þær Gunn­þóra Ólafs­dótt­ir og Ír­is Lana Birg­is­dótt­ir í sam­vinnu við Skóg­rækt­ar­fé­lag Reykja­vík­ur boð­ið upp á skóg­ar­böð í Heið­mörk, sem hafa þó ekk­ert með eig­in­leg böð að gera.

Mest lesið undanfarið ár