„Atbeini for­seta Íslands er nauð­syn­legur þegar kemur að þriðja orku­pakk­anum,“ skrifar Ólafur Ísleifs­son, þing­maður Mið­flokks­ins, í grein í Morg­un­blað­inu í dag. 

Orku­pakk­inn hefur ekki verið afgreiddur á Alþingi, en Ólafur segir ljóst að Guðni Th. Jóhann­es­son, for­seti Íslands, hljóti að íhuga að vísa mál­inu í þjóð­ar­at­kvæða­greiðslu.

Í 26. gr. stjórn­ar­skrár­innar er mælt fyrir um að ef for­seti synji laga­frum­varpi stað­fest­ingar skuli fara fram þjóð­ar­at­kvæða­greiðsla um frum­varpið. Ólafur heldur því fram að þetta ákvæði geti einnig tekið til þings­á­lykt­unar.

„Málið liggur að stærstum hluta fyrir sem þings­á­lykt­un­ar­til­laga um að til­teknar Evr­ópu­reglu­gerðir fái laga­gildi. Almennar þings­á­lykt­anir koma ekki til kasta for­seta. Hér ræðir um þings­á­lyktun um að taka upp í lands­rétt til­teknar Evr­ópu­reglur. Þegar þannig stendur á er þings­á­lyktun lögð fyrir for­seta,“ skrifar Ólafur.

Ólafur segir því að orku­pakk­inn í heild muni fara um hendur for­seta. „Í fersku minni er að stjórn­ar­skráin geymir í 26. grein ákvæði um þjóð­ar­at­kvæða­greiðslu synji for­seti laga­frum­varpi stað­fest­ingar,“ skrifar Ólafur. „Þings­á­lykt­unin felur í sér sam­þykki Alþingis fyrir að veita til­teknum Evr­ópu­reglum laga­gildi. Nærtækt er að líta þannig á að 26. greinin eigi eins við í þessu til­felli. Samkvæmt því er á valdi for­seta að leggja orku­pakk­ann í dóm þjóð­ar­innar.“