Heil­brigð­is­ráð­herra vill færa sér­greina­lækna í auknum mæli á göngu­deildir spít­al­anna. Ramma­samn­ingur þeirra við Sjúkra­trygg­ingar Íslands tryggi þeim hins vegar hærri greiðslur og ein­fald­ari sjúk­linga með því að starfa á stofum. Þetta skrifar Birgir Jak­obs­son, fyrr­ver­andi land­læknir og aðstoð­ar­maður heil­brigð­is­ráð­herra, í aðsendri grein í Frétta­blað­inu í morgun.

Ramma­samn­ing­ur­inn rennur út um ára­mótin og nokkrar deilur hafa orðið um fram­tíð hans opin­ber­lega. Í síð­ustu viku felldi hér­aðs­dómur Reykja­víkur úr gildi ákvörðun Sjúkra­trygg­inga um að neita sér­fræði­lækni aðild að samn­ingnum. Svandís Svav­ars­dóttir heil­brigð­is­ráð­herra lýsti því yfir í gær að ríkið hyggð­ist ekki áfrýja í mál­inu.

Ráðherra kynnti hug­myndir sínar í mála­flokknum á fundi í vel­ferð­ar­ráðu­neyt­inu í gær og lýsti hún vilja sínum til að fram­lengja gild­andi ramma­samn­ing um eitt ár meðan unnið yrði að breyttu fyr­ir­komu­lagi, að því sem fram kemur í frétta­til­kynn­ingu. Fyrr hafði hún árétt að það sé ekki stefna eða mark­mið að fyr­ir­byggja starf­semi sjálf­stætt starf­andi heil­brigð­is­starfs­fólks á stofum með greiðslu­þátt­töku hins opin­bera.

Sérfræðilæknar í námi erlendis vilji störf á spítala

Í grein sinni í dag bendir Birgir á að sam­kvæmt skýrslu McKinsey frá 2016 sé Land­spít­al­inn mun verr mann­aður af reyndum sér­fræði­læknum en sam­bæri­leg sjúkra­hús á Norð­ur­lönd­unum og breyta þurfi því. „Þetta er ekki hægt að gera á meðan sér­greina­læknar fá bæði betur greitt og ein­fald­ari sjúk­linga þegar þeir starfa á ramma­samn­ingi Sjúkra­trygg­inga Íslands,“ skrifar Birgir.

„Heil­brigð­is­ráð­herra leggur áherslu á styrk­ingu opin­bera heil­brigð­is­kerf­is­ins, heilsu­gæsl­una um allt land sem fyrsta við­komu­stað sjúk­linga með breiðri aðkomu fleiri heil­brigð­is­stétta, og að auka aðgengi að sér­greina­læknum fyrir alla lands­menn með því að styrkja göngu­deild­ar­starf­semi sjúkra­hús­anna, ekki síst Land­spít­ala, þar sem auð­veld­ara er að koma við teym­is­vinnu fleiri fag­stétta. Til þess að koma þessu til leiðar þarf fleiri sér­greina­lækna inn á sjúkra­húsin,“ skrifar Birgir.

Birgir segir það mis­skiln­ing að bjóða þurfi íslenskum heil­brigð­is­starfs­mönnum í námi erlendis starf á stofu. „Flestir íslenskir læknar eru í sér­námi á háskóla­sjúkra­húsum erlendis og koma því aðeins heim að þeim sé boðin sam­bæri­leg starfs­að­staða hér á landi,“ segir Birgir.

Í við­tali við Stundina í apríl lýsti Birgir skoð­unum sínum á þróun heil­brigð­is­mála hér á landi. Hann hefur verið mjög gagn­rýn­inn á vax­andi hlut einka­rekst­urs í heil­brigð­is­kerf­inu, sem hann segir meira og minna hafa þró­ast af sjálfu sér. Sér­fræði­læknar í einka­reksti vinni sam­kvæmt mjög hvetj­andi kerfi, alltof hvetj­andi, á meðan opin­bera kerfið inni­haldi enga hvata.