„Þú veist að þú áttir þetta skilið. Á einhver skilið hvernig þú kemur fram við hann? Má maður láta eins og asni í öllum allan daginn allt í kringum sig, er það allt í lagi? En pabbi má ekki slá þig utan undir þegar pabbi er búinn að fá nóg?“
Þannig kemst Kristinn Sæmundsson að orði við son sinn í myndbandi sem vitnað er til í umsögn sérfræðings í málefnum barna sem sýslumaður kvaddi sér til aðstoðar í umgengnisdeilu Kristins við barnsmóður sína.
Kristinn skipar 3. sæti á framboðslista Karlalistans í borgarstjórnarkosningum. Flokkurinn leggur áherslu á bætta stöðu feðra og rétt þeirra til að umgangast börnin sín.
Nýlega steig Kristinn fram í Harmageddon-viðtali og opnaði sig um raunir sínar vegna deilu um umgengni við börnin sín. „Núna í vetur fæ ég úrskurð í mínu máli loksins eftir þrjú ár að velkjast í gegnum kerfið og konan kemst upp með allar lygar og ásakanir og þvælu,“ sagði hann. „Já, ég er fórnarlamb í svona forræðisdeilu þar sem gengið er fram með lygum og fölskum ásökunum.“
Barnsmóðir Kristins kaus að tjá sig ekki um málið þegar eftir því var leitað, en gögn sem Stundin hefur undir höndum staðfesta að sýslumaður takmarkaði ekki umgengni Kristins við börnin hans vegna ásakana móður heldur vegna staðfestra atvika og frásagna hans sjálfs og annars sonar hans.
Líkamsárásakærur
felldar niður
Kristinn Sæmundsson var handtekinn í febrúar 2015 fyrir að aka með 9 ára son sinn undir áhrifum kannabisefna. Í mars sama ár leitaði barnsmóðir hans til Kvennaathvarfsins og sagði frá því að Kristinn hefði beitt hana ofbeldi. Kvennaathvarfið gerði barnavernd viðvart, en slíkt hið sama gerði geðsvið Landspítalans nokkrum dögum síðar eftir komu Kristins á spítalann. Þau slitu samvistir nokkru síðar og í ársbyrjun 2016 óskaði hún eftir því að sýslumaður tæki ákvörðun um umgengni föður við börnin.
Við meðferð umgengnismálsins kom fram að samkvæmt miðlægum gagnagrunni lögreglu væri barnsmóðir Kristins skráð sem brotaþoli í heimilisofbeldis- og líkamsárásarmáli frá 2014. Þá hafði Kristinn stöðu kærðs í 21 máli á tímabilinu 1995
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir