Tekjur af Airbnb gist­ingu á Íslandi voru 14,7 millj­arðar króna árið 2017. Tæpar tvær millj­ónir gistin­átta voru seldar, en auk þess áttu erlendir ferða­menn um 850 þús­und gistinætur sem ekki var greitt sér­stak­lega fyrir. Þetta kemur fram í gögnum sem Hag­stofan birti í dag.

Árið 2014 var velta Airbnb gist­ingar á Íslandi 2,5 millj­arðar króna og hefur því veltan sexfald­ast á þremur árum. Velta hót­ela á gisti­heim­ila nær tvö­fald­að­ist á sama tíma­bili, úr 51,9 millj­örðum króna í 94,3 millj­arða. Helm­ingur gistin­átta árið 2017 var á hót­elum og gisti­heim­ilum, 19% í gegnum Airbnb og sam­bæri­legar síður og 8,5% í bílum utan tjald­stæða, í húsa­skiptum eða með öðrum slíkum hætti.

307 þúsund gistinætur á þessu ári

Tölur Hag­stof­unnar byggj­ast á virð­is­auka­skatt­skilum, en sam­kvæmt lögum ber aðilum sem kaupa raf­ræna þjón­ustu hér­lendis að greiða virð­is­auka­skatt af henni. Airbnb og aðrar slíkar þjón­ustur inn­heimta og standa skil á þeim virð­is­auka­skatti. Telur Hag­stofan því gögnin vera með þeim áreið­an­legri þegar kemur að því að fylgj­ast með virkni skamm­tíma­leigu­mark­að­ar­ins.

Á fyrstu þremur mán­uðum árs­ins 2018 voru gistinætur ferða­manna í gegnum Airbnb og sam­bæri­legar síður 307 þús­und. Tölur Hag­stof­unar eru enn ekki aðgreindar eftir land­svæðum.