Varaþingmaður mótmælir hækkun fjármagnstekjuskatts fyrir hönd hagsmunasamtaka

Vil­hjálmur Bjarna­son, vara­þing­maður Sjálf­stæð­is­flokks­ins í Suð­vest­ur­kjör­dæmi, hefur sent Alþingi umsögn fyrir hönd Samtaka spari­fjár­eig­enda þar sem hann gagn­rýnir áform stjórn­ar­meiri­hlut­ans um hækkun fjár­magnstekju­skatts. 

Vil­hjálmur hefur átt sæti í stjórn Samtaka spari­fjár­eig­enda frá 2016 sam­kvæmt upp­lýs­ingum á vef Alþingis, en þá var Vil­hjálmur þing­maður og átti sæti í efna­hags- og við­skipta­nefnd þings­ins. Um er að ræða hags­muna­sam­tök almennra hluta­bréfa- og spari­fjár­eig­enda. 

Nú, eftir að hann missti þing­sætið sitt sendir hann Alþingi umsögn fyrir hönd sam­tak­anna og fer hörðum orðum um fyr­ir­hug­aða hækkun fjár­magnstekju­skatts. Hann telur að um sé að ræða „full­komið virð­ing­ar­leysi við frjálsan sparnað“ auk þess sem mis­skiln­ings gæti í grein­ar­gerð­inni sem fylgir band­orm­inum, þ.e. frum­varpi Bjarna Bene­dikts­sonar um ýmsar breyt­ingar vegna fjár­laga árs­ins 2018. 

„Sú frum­varps­grein sem fjallað hefur verið um vinnur gegn auknum frjálsum sparn­aði,“ segir í umsögn Vil­hjálms. „Ef rök­stuðn­ingur um „græna skatta“ og „syk­ur­skatt“ er yfir­færður á þessa skatt­lagn­ingu þá mætti ætla að það væri álit lög­gjafans að sparifé sé of mikið og að nauð­syn­legt væri að draga úr frjálsum sparn­aði. Svo er alls ekki heldur þvert á móti. Frjálsan sparnað þarf að efla. Líf­eyr­is­kerfi lands­manna kann að vera á veikum grunni þar sem þrengt er að frjálsum sparn­aði.“ 

Í umsögn sinni rök­styður Vil­hjálmur mál sitt og fjallar sér­stak­lega um hvernig hækkun fjár­magnstekju­skatts hefur áhrif á raunskatt­lagn­ingu raun­vaxta­tekna. Þá full­yrðir hann að aukin skatt­lagn­ing frjáls sparn­aðar gangi þvert á mark­mið um sparnað og ráð­deild. „Aukin skatt­lagn­ing á sparnað er leið til að byggja upp skuld­ara­sam­fé­lag og til lengri tíma eykur þörf á vaxta­bótum eða við­líka bóta­kerfum. Frum­varps­greinin er í raun full­komið virð­ing­ar­leysi við frjálsan sparnað.“

Eins og Stundin hefur áður greint frá hyggst rík­is­stjórnin hækka fjár­magnstekju­skatt úr 20 pró­sentum upp í 22 pró­sent. Til fjár­magnstekna ein­stak­linga telj­ast vaxta­tekjur, arður, sölu­hagn­aður og leigu­tekjur utan rekstrar. Tekju­á­hrif hækk­un­ar­innar eru áætluð 1,6 millj­arðar kr. á árinu 2018, en 2,6 millj­arðar kr. á árinu 2019 að því er fram kemur í grein­ar­gerð frum­varps Bjarna Bene­dikts­sonar fjár­mála­ráð­herra um breyt­ingar á ýmsum lögum vegna fjár­laga­árs­ins 2018, þ.e. band­orms­ins svo­nefnda. 

Í stjórn­ar­sátt­mála rík­is­stjórn­ar­innar er boðuð end­ur­skoðun á skatt­stofni fjár­magnstekju­skatts. Engin útfærsla liggur þar fyrir, en fjár­mála­ráð­herra hefur þó gefið í skyn að fyr­ir­hug­aðar breyt­ingar miði að því að skatt­leggja raun­á­vöxtun frekar en nafn­á­vöxtun og verja þannig fjár­magns­eig­endur fyrir verð­bólgu­á­hrifum. Í fjár­laga­frum­varpi árs­ins 2018 segir í grein­ar­gerð að „skatt­stofn fjármagnstekju­skatts [verði] tek­inn til end­ur­skoð­unar, með það fyrir augum að raun­veru­legur ávinn­ingur af fjármagni verði skatt­lagður og alþjóðlegur sam­an­burður [verði] um leið auð­veld­ari“.