Bergur Þór Ing­ólfs­son, leik­stjóri og faðir brota­þola Roberts Downey, var gestur á opnum fundi í alls­herjar- og mennta­mála­nefndar um reglur um upp­reist æru. Hann sagði lögin um upp­reist æru úrelt og úr sér gengin og kall­aði eftir laga­breyt­ingu hið fyrsta. „Þessi lög voru búin til á þeim tíma þegar prestar og emb­ætt­is­menn fá að brjóta á börnum, og hljóta síðan upp­reist æru. Og börnin þurfa að bera skömm­ina,“ sagði Bergur meðal ann­ars.

„Við höfum þurft að hafa hátt í 77 daga sam­fleytt. Við höfum þurft að skrifa greinar, fara í fjöl­miðla­við­töl, skrifa hvern ein­asta dag inn á net­miðla til þess að það hafi heyrst í okkur. Það hefur verið eins og að vekja stein­runnið tröll af dvala,“ segir Bergur. 

Það versta segir hann þegar brotin eru smættuð í fjöl­miðlum af opin­berum aðilum og mönnum í yfir­burð­ar­stöðu og sagt að til …