Þann 6. maí 2025, hóf Indland umfangsmiklar hernaðaraðgerðir gegn skotmörkum í Pakistan og á yfirráðasvæði Pakistan í Kasmír. Aðgerðin, sem kallast Operation Sindoor, var sögð viðbragð við hryðjuverkaárás í Baisaran-dal, nálægt Pahalgam í Anantnag-héraði þann 22.aapríl síðastliðinn, þar sem að minnsta kosti 26 ferðamenn, pílagrímar hindúa, létust. Með þessu hefur Indland tekið virka sóknarafstöðu í stað varfærinnar varnar sem einkennt hefur viðbrögð ríkisins í átökum þeirra við Pakistan um áratugaskeið. Báðir aðilar eiga kjarnorkuvopn sem gerir ástandið sérstaklega viðkvæmt og hættulegt.
Pakistan fordæmdi loftárásirnar sem tilefnislaust brot á fullveldi landsins og greindi frá því að 26 óbreyttir borgarar hefðu legið í valnum og yfir 40 slasast. Indversk stjórnvöld hafna alfarið þessum fullyrðingum og halda því fram að einungis hafi verið skotið á mannvirki tengd hryðjuverkasamtökum á borð við Lashkar-e-Taiba og Jaish-e-Mohammed, um níu skotmörk í heildina. Forsætisráðherra Pakistan, Shehbaz Sharif, hefur virkjað herinn og varnir landsins og jafnframt kallað …
En burtséð frá þeim svæðisbundnu hörmungum sem stríð milli Indlands og Pakistans mun valda væru beiting kjarnorkuvopna bein ógn fyrir allan heiminn, a.m.k. í formi aukinnar geislavirkni í lofthjúpi jarðar. Hér þarf okkar stjórnmálafólk að vinna og skapa samstöðu allra hinna að þó þessi tvö lönd geti ekki haldið friði þá eru kjarnvopn ekki þeirra einkamál og beiting þeirra þarf að hafa alvarlegar afleiðingar fyrir það land sem notar þau.