Leitar þú að lesefni fyrir sólarströndina? Vantar þig eitthvað að gera í rigningunni í sumarfríinu? Þráir þú hvíld frá fréttaflutningi af ástandi heimsmálanna? Leitaðu á náðir bókaskápsins. Eftirfarandi er hugmynd að lista yfir 100 bestu íslensku bækur 21. aldar.
Athugið að listinn er háóvísindalegur eins og allir listar sem leitast við að raða bókum eftir gæðum og aðeins til gamans gerður. Lesendur eru hvattir til að bæta við listann í ummælum á Heimildin.is, lýsa yfir velþóknun á valinu eða mótmæla því.
1. Sextíu kíló af sólskini
Hallgrímur Helgason 2018
Tíunda bók Hallgríms Helgasonar gerist við upphaf 20. aldar þegar síldin og nútíminn hefja innreið sína í íslenskt sjávarþorp. „Magnaður texti og rannsókn á þjóðareðli, þar sem veröld sem var er lýst af miklu listfengi,“ ritaði Ásgeir H. Ingólfsson bókagagnrýnandi. Vakti bókin með mörgum hugrenningatengsl við Laxness. …
Aðventa byggir á sannri frásögn af eftirleit Fjalla-Bensa í desember árið 1925 sem birtist í fyrsta hefti tímaritsins Eimreiðarinnar árið 1931. Sama ár birti Gunnar Gunnarsson sína gerð þessarar frásagnar í dönsku jólablaði Julesne og nefndi hana Den gode Hyrde. Árið 1939 kom frásögnin síðan út aftur á þýsku og bar titilinn Advent im Hochgebirge og hafði sagan þá tekið á sig þá skáldsagnamynd sem við þekkjum nú sem nóvelluna Aðventu.