Þær voru fjórar sem vöknuðu þennan morguninn sem valkyrjur og lögðu leið sína í World Class í Vatnsmýrinni til að mæta í „gymmið“ saman. Þær Kolfinna Nikulásdóttir, Þuríður Blær Jóhannsdóttir, Rebekka Magnúsdóttir, Ásthildur Úa Sigurðardóttir og Steiney Skúladóttir mynda Gym-klúbbinn Valkyrjur vakna. Því miður vaknaði Steiney veik þennan morguninn og gat því ekki mætt. En það er æfing aftur eftir tvo daga og aftur í næstu viku, þrisvar sinnum. Ásthildur Úa var svo einbeitt í sínu svo Kolfinna, Blær og Rebekka ræddu við blaðakonu Heimildarinnar um klúbbinn, um karlmennsku og kvenleika, styrk og konur á klúbba-aldri. 

„Konur geta verið víkingar og karlar valkyrjur en við erum Valkyrjurnar. Þegar einhver okkar er ekki mætt á réttum tíma fær sú sama símhringingu frá mér og ég segi: Er ég eina Valkyrjan sem er vöknuð? Þá þurfa hinar bara að drulla sér og drífa sig,“ segir Rebekka Magnúsdóttir, sem gengur á milli tækja …