„Mjög mikil hætta“ er yfir­stand­andi í Grinda­vík og er í upp­færðu hættu­mati Veð­ur­stof­unnar til­greind önnur teg­und hættu en áður. Fyrir hefur verið metin mikil hætta á jarð­skjálftum, sprungum, hraun­flæði, sprungu­hreyf­ingum og gosopnun án fyr­ir­vara. Nú bæt­ist við hættu­leg gasmengun, sem ótt­ast er að sé „tengd því að kvika liggur mjög grunnt á svæð­inu“.

Þetta kemur fram í nýju hættu­mati Veð­ur­stof­unnar sem gildir frá klukkan 17 í dag og fram á 17 á næst­kom­andi föstu­dag. „Gasmengun mæld­ist við vinnu ofan í brunnum tengdum veitu­kerfi innan Grinda­víkur í gær. Veð­ur­stofan vaktar ekki stað­bundna gasmengun innan Grinda­víkur. Skoða þarf betur hvort gasmeng­unin er tengd því að kvika liggur mjög grunnt á svæð­inu. Það skal tekið fram að hættu­leg gasmengun er meðal þeirra atriða sem nefnd eru í hættu­mat­inu sem nú gildir fyrir Grinda­vík,“ segir í mat­inu.

Hættan í Grinda­víkSamkvæmt hættu­mat­inu er „mjög mikil hætta“ innan byggð­ar­innar í Grinda­vík og bæt­ast nú við áhyggjur af gasmengun vegna grunn­liggj­andi kviku.

Mynd: Veð­ur­stofan

Áréttað er í hættu­mat­inu að „hættur geta leynst utan til­greindra svæða“.

Enn heldur kviku­söfnun áfram undir Svarts­engi, norðan Grinda­víkur og nærri Bláa lón­inu. Líklegt er talið að hún muni leiða til eld­goss á næstu vikum.

„Skjálfta­virkni hefur verið væg yfir kviku­gang­inum síð­asta sól­ar­hring­inn. Samkvæmt reikni­lík­önum liggur kvika grunnt í suð­ur­enda kviku­gangs­ins, þar virð­ist landið vera mikið sprungið og kvikan eigi því auð­velt með að kom­ast upp á yfir­borðið. Áfram eru því líkur á að nýjar gossprungur opn­ist án fyr­ir­vara,“ segir í mati Veð­ur­stof­unnar.