Hefur þú sofið hjá fleiri en þremur? – Aðeins pælt í kynlífsmenningu Íslendinga

Kyn­lífs­menn­ing getur verið alls konar, í margs konar myndum í mis­mun­andi menn­ing­ar­heimum og -kimum. Á swing-klúbbi í þýskri borg þrífst kannski öðru­vísi kyn­lífs­menn­ing en hjá fram­halds­skóla­nemum á Ísafirði eða heima hjá ráð­settum hjónum í Hlíðunum – og samt ekki!

Aldrei er að vita hvaða mynd kyn­lífs­menn­ing tekur á sig hjá hverjum og einum. Í þeim efnum hættir okkur til að vera með fyrir fram gefnar hug­myndir.

Um dag­inn rakst und­ir­rituð á net­frétt í DV þar sem fjallað var um nýlega rann­sókn í Bret­landi sem sögð var benda til þess að ákjós­an­legur fjöldi fyrrum ból­fé­laga – að mati maka – megi helst ekki vera fleiri en þrír.

Er aðlaðandi að hafa sofið hjá sex?

Háskól­arnir í Nott­ing­ham, Bristol og Swansea báru veg og vanda af rann­sókn­inni og nið­ur­stöð­urnar birt­ust í „Journal of Sex Research“.

Í rann­sókn þess­ari kom víst í ljós að konum fannst ekki …