„Lagersöluglaðir“ Íslendingar nenna að bíða í röð

„Ég ætla að reyna að versla eitt­hvað á mjög góðu verði. Bara allt sem ég næ í,“ sagði Einína Sif Jóns­dóttir þegar blaða­maður Heim­ild­ar­innar náði tali af henni í röð fyrir utan lag­er­sölu barna­vöru­versl­an­anna BíumBíum, rétt áður en lag­er­salan var opnuð klukkan 11 á föstu­dags­morgni. „Að fá þessar fínu vörur á miklu betra verði, það er svona eig­in­lega númer eitt, tvö og þrjú, að ná ein­hverju þegar það eru svona mörg börn.“

Einína, sem á þrjú börn, var fram­ar­lega í röð­inni. Hún er reynslu­mikil þegar kemur að lag­er­sölum og hefur ekki misst af lag­er­sölu barna­vöru­versl­ana síð­ustu tíu ár. „Ég reyndar var hjá tann­lækni í morgun þannig ég var aðeins of sein en þær voru komnar tíu,“ segir Einína og bendir í átt að bíla­stæð­inu þar sem vin­konur hennar voru að hlýja sér í bílnum á meðan hún stendur vakt­ina. Fyrsti snjór vetr­ar­ins, eða hausts­ins, féll í borg­inni nótt­ina áður …