Í rólegum hliðarherbergjum á bar í Bankastræti opnar fólk sig um ofbeldi sem það hefur kannski aldrei talað um áður. Það mætir opnum eyrum annarra, eyrum sem skilja. Þetta er ekki endilega fólk sem þekkist nokkuð. En það á særindin sameiginleg og það skilur hvert annað. 

Það eru svona augnablik sem verða til á peppkvöldum Druslugöngunnar árlega. Slíkt kvöld var haldið í gær og gangan sjálf fer fram á morgun. Hún hefst með varningssölu klukkan 13 við Hallgrímskirkju, og gengið er af stað klukkan 14. 

Lísa Margrét Gunnarsdóttir er ein af þeim sem koma að skipulagningu Druslugöngunnar í ár. Eins og mörg önnur sem taka virkan þátt í að skipuleggja gönguna hefur hún persónulega reynslu af ofbeldi. 

„Ég var misnotuð sem barn, sem unglingur og ég hef upplifað ofbeldi í sambandi,“ segir Lísa. 

Á unglingsárunum forðaðist hún gönguna.

„Mér fannst vont að mæta í hana, mér fannst triggerandi að …