Þessi grein birtist fyrir meira en 2 árum.

„Matti“ sendur úr landi þó vegabréfið segi hann barn

Mahdi Rahimi var 13 ára þeg­ar hann lagði af stað frá Af­gan­ist­an eft­ir að fað­ir hans var myrt­ur. Fjór­um ár­um síð­ar var hann kom­inn til Ís­lands, al­einn. Hann lærði ís­lensku í Flens­borg og fór á fót­boltaæf­ing­ar hjá Hauk­um. Sam­kvæmt grísku vega­bréfi er hann enn barn. Út­lend­inga­stofn­un seg­ir hann full­orð­inn. Nú hef­ur hún vís­að hon­um úr landi.

„Ég heiti Mahdi, ég er frá Afganistan,“ segir Mahdi Rahimi með nánast óaðfinnanlegum íslenskum framburði við blaðamann og brosir feimnislega. Snædís Baldursdóttir, kennari við Flensborg sem kallar Mahdi Matta, kenndi honum orðin sem nú finna sér svo farsæla leið út í andrúmsloftið. 

En þau verða honum ekki til mikils gagns á næstunni. Honum hefur verið vísað úr landi, jafnvel þó að hann sé – samkvæmt grísku vegabréfi sem hann sýndi blaðamanni – enn 17 ára gamall og því fylgdarlaust barn. 

Útlendingastofnun tekur ekki mark á vegabréfi Mahdis. Hún taldi vafa á því að Mahdi væri barn og sendi hann því í aldursgreiningu á tönnum. Var niðurstaða greiningarinnar sú að hann væri 18 ára.

Faðirinn myrtur í Afganistan

Ferðalag Mahdis hófst árið 2018. Þá var hann þrettán ára gamall. Ekki löngu áður hafði faðir hans verið myrtur í Afganistan.

„Ég veit ekki af hverju,“ segir Mahdi. „Eitt kvöld sat ég …

Kjósa
42
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Nýtt efni

Innflytjendur á Íslandi
Samtal við samfélagið#15

Inn­flytj­end­ur á Ís­landi

Ís­land hef­ur tek­ið um­tals­verð­um breyt­ing­um und­an­farna ára­tugi. Eft­ir að hafa löng­um ver­ið eitt eins­leit­asta sam­fé­lag í heimi er nú svo kom­ið að nær fimmti hver lands­mað­ur er af er­lendu bergi brot­inn. Inn­flytj­end­ur hafa auðg­að ís­lenskt sam­fé­lag á marg­vís­leg­an hátt og mik­il­vægt er að búa þannig um hnút­ana að all­ir sem hing­að flytja geti ver­ið virk­ir þátt­tak­end­ur á öll­um svið­um mann­lífs­ins. Til að fræð­ast nán­ar um inn­flytj­enda hér­lend­is er í þess­um þætti rætt við Dr. Löru Wil­helm­ine Hoff­mann, nýdoktor við Menntavís­inda­svið Há­skóla Ís­lands, þar sem hún tek­ur þátt í verk­efn­inu “Sam­an eða sundr­uð? Mennt­un og fé­lags­leg þátt­taka flótta­barna og -ung­menna á Ís­landi.” Hún starfar einnig sem stunda­kenn­ari við Há­skól­ann á Ak­ur­eyri og Há­skól­ann á Bif­röst. Sjálf er Lara þýsk en rann­sókn­ir henn­ar hverf­ast um fólks­flutn­inga, dreif­býli, tungu­mál og list­ir en hún varði doktors­rit­gerð sína í fé­lags­vís­ind­um við Há­skól­ann á Ak­ur­eyri ár­ið 2022. Tit­ill doktors­rit­gerð­ar­inn­ar er „Að­lög­un inn­flytj­enda á Ís­landi: Hug­læg­ar vís­bend­ing­ar um að­lög­un inn­flytj­enda á Ís­landi byggð­ar á tungu­máli, fjöl­miðla­notk­un og skap­andi iðk­un.“ Guð­mund­ur Odds­son pró­fess­or í fé­lags­fræði við HA ræddi við Löru en í spjalli þeirra var kom­ið inn á upp­lif­un inn­flytj­enda af inn­gild­ingu, hlut­verk tungu­máls­ins, stærð mál­sam­fé­laga, sam­an­burð á Ís­landi og Fær­eyj­um og börn flótta­fólks.

Mest lesið undanfarið ár