Óljóst hvað tekur við eftir hamfarir

Stúlka nælir sér í vatn í Basara-flótta­manna­búð­unum í Sittwe í Rakhine-ríki í Búrma eftir að felli­byl­ur­inn Mocha olli gríð­ar­mik­illi eyði­legg­ingu. Að minnsta kosti 41 lést þegar felli­byl­ur­inn gekk yfir Búrma og Bangla­dess í vik­unni með miklum flóðum. Óttast er að mun fleiri hafi farist. 

Vind­hraði náði 58 metrum á sek­úndu í flótta­manna­búð­unum sem urðu fyrir miklum skemmdum. Litla stúlkan er Róhingi og til­heyrir því minni­hluta­hópi sem rekur sögu þjóðar sinnar aftur um aldir í Búrma en stjórn­völd við­ur­kenna Róhingja ekki sem eitt 135 þjóð­ar­brota í land­inu, heldur telj­ast Róhingjar ólög­legir inn­flytj­endur. 

Fimm ár eru liðin frá því að yfir 700 þús­und Róhingjar fóru frá Búrma til Bangla­dess. Róhingjar eru einn ofsótt­asti minni­hluta­hópur heims sam­kvæmt Sam­ein­uðu þjóð­unum, sem hafa lýst því yfir að hern­að­ar­yf­ir­völd í Búrma stundi þjóð­ern­is­hreins­anir gegn Róhingjum og telst það glæpur gegn mann­kyni. 

Róhingjar sem búa í flótta­manna­búð­unum í Sittwe leit­uðu skjóls í klaustrum, must­erum …