Greining

Endalok Fréttablaðsins sem flestir sáu fyrir en komu samt á óvart

Árum saman hefur blasað við að rekstr­ar­módel Frétta­blaðs­ins, sem dreift var frítt inn um lúgur tug­þús­unda heim­ila, stóð völtum fótum. Stafræn bylt­ing, hratt minnk­andi lestur og auk­inn kostn­aður mynd­uðu saman gríð­ar­legt rekstr­ar­tap. Tilraun til að breyta um stefnu í byrjun árs mistókst hrapal­lega, og nú er blaðið allt. Eftir standa tugir blaða­manna og ann­arra starfs­manna án atvinnu og fjöldi les­enda sem í meira en tvo ára­tugi hafa van­ist því að lesa Frétta­blaðið á degi hverjum.

Endalok Fréttablaðsins sem flestir sáu fyrir en komu samt á óvart
Tómt Rit­stjórn­ar­skrif­stofa Frétta­blaðs­ins bar þess ekki merki síð­ast­lið­inn föstu­dag að hafa hýst eina stærstu einka­reknu frétta­rit­stjórn lands­ins degi áður. Mynd: Heimildin / Davíð Þór
Birtist fyrir 4 árum.

Seint á árinu 2017 var ein stærsta einka­rekna fjöl­miðla­sam­steypa lands­ins, 365 miðlar, brotin upp. Ljós­vaka­miðlar henn­­ar, fjar­­skipta­­starf­­semi og frétta­vef­­ur­inn Vísir voru seld til Vodafone á Íslandi, sem í dag heitir Sýn. Það félag tók við hinum keyptu eignum í des­em­ber 2017. Heild­ar­kaup­verðið var um 8,2 millj­arðar króna. Það var greitt með reiðufé, hluta­bréfum í Sýn og yfir­töku skulda upp á 4,6 millj­arða króna. 

Kaupin skil­uðu fjarri því sem búist var við og í byrjun árs 2020 var greint frá því að Sýn hefði fært niður við­skipta­vild sína um 2,5 millj­arða króna. Það hafði ein­fald­lega verið ofborgað fyrir fjöl­miðl­ana. „Þeir sem greina fyr­ir­tækið eru löngu búnir að átta sig á þessu,“ sagði Heiðar Guð­jóns­son, þá for­stjóri Sýn­ar, í til­kynn­ingu til Kaup­hallar Íslands vegna þessa. 

Dældu 1,5 milljörðum króna inn

Rekstur Frétta­­blaðs­ins og nýs frétta­vefs, fretta­bla­did.is, var settur í félagið Torg ehf. sam­hliða sölu ljós­vaka­miðl­anna til Sýnar. Það …

Kjósa
16
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Nýtt efni

Mest lesið undanfarið ár

Loka auglýsingu