Annáll ársins „fordæmalausa“

Ársins 2020 verður minnst sem árs­ins þar sem við máttum ekki snert­ast, árs­ins þar sem plön voru sett í bið­stöðu, árs­ins þar sem við misstum ást­vini og ótt­uð­umst um fram­tíð­ina. Það má þó einnig minn­ast árs­ins með þakk­læti fyrir það sem við þó höfðum, fyrir fólkið í fremstu víg­línu sem stóð vakt­ina og fyrir sam­stöð­una á „for­dæma­lausum“ tíma, þó oft hafi á hana reynt.

Á nýárs­dag grun­aði fáa í hvað stefndi. Það var þó strax 7. jan­úar að kín­versk stjórn­völd til­kynntu Alþjóða­heil­brigð­is­stofn­un­inni að þau til­felli lungna­bólgu í Wuhan sem hefðu verið til rann­sóknar væru í raun nýtt afbrigði kór­ónu­veiru. Gaf stofn­unin loks veirunni nafnið COVID-19, sem er stytt­ing á „coronavirus dise­ase 2019“, enda hafði fyrst verið til­kynnt um smitin í fyrra. Ekki er enn ljóst hvort rekja megi sjúk­dóm­inn til mat­ar­mark­að­ar­ins í Wuhan þar sem fjöldi fólks smit­að­ist, en lík­leg­ast er að veiran hafi smit­ast úr dýrum í mann­fólk.