Farsímanet, kona og Evrópubúi á tunglinu

Til þess að sá draumur verði að veru­leika þarf að sjá tungl­förum fram­tíð­ar­innar fyrir öllum helstu nauð­synjum og í dag er gott far­síma­sam­band orð­inn órjúf­an­legur hluti af dag­legu lífi á jörð­inni. Það sama mun gilda um þá sem dvelja á tungl­inu til lengri eða skemmri tíma og því ekki seinna vænna en að koma upp þráð­lausu 4g neti á yfir­borð­inu.

NASA var að und­ir­rita samn­ing við finnska fjar­skipta­fyr­ir­tækið Nokia sem seg­ist ekki þurfa nema tvö ár til að þróa og fram­leiða bún­að­inn sem verður sendur til tungls­ins. Hann verði til­bú­inn til próf­ana síðla árs 2022 og lík­lega sendur með sömu eld­flaug og tungl­far­arnir sem eiga að fara af stað tveimur árum síðar, eða fyrir árs­lok 2024.

Samn­ing­ur­inn við Nokia hljóðar upp á um tvo millj­arða íslenskra króna en það er aðeins brot af kostn­að­inum við verk­efnið. Lang­dýr­asti hlut­inn er sjálft geimskotið og NASA hefur síð­ustu ár unnið mark­visst …