80 nemendur Laugarnesskóla í sóttkví eftir að COVID-19 smit greindist

Alls 80 nem­endur og fjórir kenn­arar Laug­ar­nes­skóla eru í sótt­kví vegna mögu­legrar útsetn­ingar fyrir smiti í skól­anum í síð­ustu viku.

Gert er ráð fyrir því að sótt­kvíin standi í dag og á morgun og að allir sem um ræðir verði boð­aðir í sýna­töku á morgun, þriðju­dag.

Þetta kemur fram í orð­send­ingu til allra for­eldra og for­ráða­manna barna við skól­ann í morgun. Þar segir enn fremur að vonir standi til að skóla­hald verði aftur komið í eðli­legt horf á mið­viku­dag­inn.

Smit í súrálsskipi við Reyðarfjörð

Í gær­kvöldi var greint frá því að tíu af nítján skip­verjum á súráls­skipi sem kom til Reyð­ar­fjarðar og lagði að Mjó­eyr­ar­höfn væru með COVID-19.

Í til­kynn­ingu frá lög­reglu­stjór­anum á Aust­ur­land­i.

[adspot]Þar segir að skip­stjóri hafi fyrir komu skips­ins gert grein fyrir að sjö manns í áhöfn væru veik­ir. „Að feng­inni ein­kenna­lýs­ingu og öðrum far­ald­urs­fræði­legum þáttum var ákveðið að taka sýni úr allri áhöfn­inni, sem náð­ist undir kvöld í gær. Af nítján skip­verjum reynd­ust tíu vera með COVID-19. Aðgerða­stjórn og umdæm­is­læknir sótt­varna í sam­vinnu við umboðs­mann útgerð­ar­innar og skip­stjór­ann hafa gefið leið­bein­ingar um sótt­varna­ráð­staf­anir um borð.“

Lækn­is­fræði­legt eft­ir­lit með skip­verj­unum verður unnið sam­kvæmt fyr­ir­liggj­andi vinnu­reglum þar um af COVID-­deild Land­spít­ala og HSA. Sýna­taka og allt annað tengt þessu hefur sam­kvæmt til­kynn­ing­unni gengið vel og aðgerða­stjórn telur ekki hættu á að smitið dreifi sér.

Hinir smit­uðu eru allir í ein­angrun um borð og aðrir í sótt­kví. Hefur svo verið frá komu skips­ins til hafn­ar.