Útgerðarfélag Reykjavíkur, félag í meirihlutaeigu Guðmundar Kristjánssonar sem er stærsti eigandi Brim, kærði þann 17. apríl í fyrra háttsettsemi Glitni HoldCo sem í fólst að, að sögn fyrirtækisins, að „rangfæra sönnunargögn“ í dómsmáli milli aðila. Í ársreikningi félagsins segir að sú háttsemi hafi falið í sér „að „klippa“ eða fjarlægja með öðrum hætti, 7 cm neðan af öllum samningum svo að þeir myndu líta út á annan veg en þeir gerðu.“
[links]Útgerðarfélag Reykjavíkur hefur verið í deilum við þrotabú Glitnis banka, sem nú heitir Glitnir HoldCo, árum saman vegna 31 afleiðusamninga sem gerðir voru haustið 2008, rétt áður en að íslenska bankakerfið hrundi. Samningarnir eru upp á alls um tvo milljarða króna. Útgerðarfélagið hefur ávallt neitað kröfunni og hún ekki verið færð í rekstur eða efnahag fyrirtækisins.
Glitnir höfðaði mál sumarið 2012 og krafðist þess að Útgerðarfélagið, sem þá hét enn Brim, myndi greiða milljarðanna tvo auk dráttarvaxta. Málið hefur þvælst um innan dómskerfisins alla tíð síðan og er enn óleyst, en í ársreikningi Útgerðarfélags Reykjavíkur segir m.a. um þetta mál að fyrir liggi „að enginn starfsmaður Útgerðarfélags Reykjavíkur hf. hafi beðið um eða gert 23 af 31 samningi sem gerð er krafa um greiðslu á í dómsmálinu og mynda um 90 prósent af kröfu Glitnis Holdco ehf.“
[adspot]Málið hefur tekið á sig margskonar myndir. Meðal annars kærði Útgerðarfélagið framferði Ólafs Eiríkssonar, lögmanns Glitnis HoldCo, í dómsmálinu til Úrskurðarnefndar lögmanna sem úrskurðaði í málinu þann í lok janúar í fyrra. Þar var háttsemi hans, sem í fólst að veita lykilvitni rangar upplýsingar um staðreyndir og láta hjá líða að tilkynna Útgerðarfélaginu að til stæði að hafa samband við vitnið, sögð vera aðfinnsluverð.
Þá kærði Útgerðarfélag Reykjavíkur til lögreglu, þann 17. apríl 2018, það sem í ársreikningi fyrirtækisins er kallað þá „háttsemi að rangfæra sönnunargögn“ í dómsmálinu. Sú háttsemi á að hafa falið í sér „að „klippa“ eða fjarlægja með öðrum hætti, 7 cm neðan af öllum samningum svo að þeir myndu líta út á annan veg en þeir gerðu.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir