Gæti rýrt traust á ákvörðunum stjórnar FME að vera með dæmda brotamenn í stjórn

Í umsögn Fjár­mála­eft­ir­lits­ins (FME) um frum­varp dóms­mála­ráð­herra, þar sem meðal ann­ars á að gera á dæmdum brota­mönnum mögu­legt að taka sæti í stjórn FME tíu árum eftir dóm, segir að það gæti rýt traust á ákvörð­unum stjórnar FME, ef sú staða kæmi upp að í henni sætu dæmdir brota­menn.

[links]„Fjár­mála­eft­ir­litið vill því velta því upp hvort það gæti rýrt traust á slíkum ákvörð­unum stjórnar ef þar sætu menn sem hafa hlotið refsi­dóm,“ segir í umsögn FME.

Eins og greint var frá á vef Kjarnans á dög­unum, þá hefur Alþýðu­sam­band Íslands gagn­rýnt þetta, í umsögn sinni um fyrr­nefnt frum­varp.

Skýr­ing á því hvers vegna dregið sé úr hæfi mann til að stýra FME er ekki rök­studd í grein­ar­gerð.

[adspot]Einn liður frum­varps­ins snýr að þvi að breyta lögum um eft­ir­lit með fjár­mála­starf­semi. Í þeim lögum er fyrir skýrt ákvæði um að stjórn­ar­menn Fjár­mála­eft­ir­lits­ins skuli „hafa óflekkað mann­orð og mega ekki í tengslum við atvinnu­rekstur hafa hlotið dóm fyrir refsi­verðan verknað sam­kvæmt almennum hegn­ing­ar­lögum eða lögum um hluta­fé­lög, einka­hluta­fé­lög, bók­hald, árs­reikn­inga, gjald­þrot eða þeim sér­lögum sem gilda um eft­ir­lits­skylda aðila.“

Mynd: FME

Í til­lögum Sig­ríðar felst afnám kröf­unnar um að stjórn­ar­menn í FME hafi óflekkað mann­orð. Í umsögn Alþýðu­sam­bands­ins segir hins vegar að auk hennar sé „þeim sem gerst hafa sekir um um alvar­leg brot á hegn­ing­ar­lög­um, lögum á sviði fjár­mála­mark­aðar eða félaga eða þolað íþyngj­andi stjórn­valds­á­kvarð­anir sem ein­stak­lingar eða for­svars­menn fyr­ir­tækja, veitt sjálf­krafa hæfi að liðum 10 árum eftir hafa verið dæmd­ir.“

Í umsögn FME um frum­varpið er því velt upp, hvort til­efni sé til þess að gera svo vega­miklar breyt­ingar á lög­unum, í ljósi þess að ný heild­ar­lög um eft­ir­lit fjár­mála­mark­aðar komi til með sam­ein­ingu FME og Seðla­banka Íslands.