Jóhanna Sigurðardóttir, fyrrverandi forsætisráðherra, segir að Kári Stefánsson, forstjóri Íslenskrar erfðagreiningar, verði að setja hlutina í rétt samhengi vilji hann láta taka sig alvarlega.
„Hefur Kári Stefánsson gleymt því að þegar vinstri stjórnin tók við árið 2009 voru fordæmalausar aðstæður á Íslandi og gjaldþrot blasti við þjóðinni,“ spyr Jóhanna í stöðufærslu á Facebook. Tilefnið er skrif Kára um íslenskt heilbrigðiskerfi sem birtist í morgun. Þar sagði Kári að ríkisstjórn Vinstri grænna og Samfylkingar, með Jóhönnu í forsvari, hafi holað heilbrigðiskerfið að innan þrátt fyrir fögur fyrirheit.
Jóhanna segir að sú ríkisstjórn hafi tekið við stjórn landsins við erfiðustu efnahagslegu skilyrði sem verið hafa í sögu lýðveldisins.
„Engu að síður setti ríkisstjórnin sér það markmið að verja velferðarkerfið eins og kostur væri í þeim niðurskurði sem óhjákvæmilegt var að ráðast í. Bæði AGS og virtir nóbelsverðlaunahafar í hagfræði hafa sagt það kraftaverki líkast hvernig til tókst við endurreisn Íslands, ekki síst við að verja innviði velferðarkerfisins,“ skrifar Jóhanna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir