Neyðarópið í gilinu

„Maður segir ekki nei þegar Vilborg Arna býður manni að koma með til Nepal,“ segir Kolbrún Björns­dóttir dag­skrár­gerð­ar­maður sem hefur gjör­bylt lífi sínu frá því að vera fremur andsnúin íþróttum og hreyf­ingu í það að stunda hjól­reiðar og göngur af kappi. Fram undan er kvenna­ferð til Nepal þar sem Kolbrún verður far­ar­stjóri með afreks­kon­unni Vilborgu Örnu Giss­ur­ar­dóttur.

Kolbrún er fyrst og fremst þekkt sem fjöl­miðla­maður. Hún hefur verið áber­andi um ára­bil og víða komið við. Lengst var hún þó í morg­un­þætt­inum Bítinu á Bylgj­unni. Hún var orðin dauð­þreytt á að rífa sig upp fyrir allar aldir.

„Ég var orðin mjög þreytt á vinnu­tím­anum og þessu ati sem fylgdi því að stýra svona þjóð­mála­þætti eftir hrunið og allt sem þá gekk yfir. Ég var búin að fá nóg en álp­að­ist samt aftur inn á fjöl­miðl­ana eftir tveggja mán­aða sum­ar­frí. Þá tók ég að mér að gera þætti fyrir Stöð …